Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.
09. januaarip 2020
GrønlandsBANKEN ukiorpassuit Elite Sport Greenland suliaat tapersersornikuuaat, marluullutillu suleqatigiinnissamut isumaqatigiissut 2022 tungaanut atuuttoq atsioqqammerpaat.
Elite Sport Greenland-imi siulersuisoq Nikolaj Christoffersen-ip isumaqatigiissut atsiornerani patajaannerulernissaq takorloorsinnaavaa.
- Elite Sport Greenland aamma GrønlandsBANKEN ukiorpassuit suleqatigiilluartarnikuupput, aningaaseriviullu tapersersuinerat tatiginninnerallu naleqartipparput. Ataatsimoorlutalu tatiginassusermik isumaqatigiissut ineriartortipparput, taannalu ukiut marluk atuutissaaq. Tamannalu timersornerup nunarsuaani piginnaasalinnut ineriartortsinissamut aamma Elite Sport Greenland-ip suliat aallartitaanut naammassisaqarnissamut ukkatarisaqarnissatsinnut periarfissiivoq, Nikolaj Christoffersen tulluusimaarluni oqaatigaa.
Minnerpaamik ukiut marluk tapersersuisuuniaraanni tatiginassusermik isumaqatigiissut suliffeqarfinniit atsorneqarsinnaapput, tamannalu suliffeqarfiup nittarsarluarneqarnissaanut periarfissiisarluni.
Patajaassuseq pisariaqarpoq ineriartorniaraanni
GrønlandsBANKEN-imi aqutsisoqarfimmi pisortaq Carsten Th. Pedersen-ip kissaatigaa Elite Sport Greenland nunatsinni timersortartut pikkorivissunik ineriartortitsinissaminut patajaatsunik atugaqassasoq.
- Timersortartut pikkorissunik aamma piginnaasalinnik ineriartortitsineq ukiut arlallit pisarpoq. Aaqqissuussinermi Elite Sport Greenland-itut ittumi toraagalimmik anguniagaqarnermi aningaasaqarneq aamma patajaanneq pisariaqarpoq, GrønlandsBANKEN-illu tamanna tapersersorpaa. Suleqatigiinnerput nuannaarutigaarput aamma suliaminik ilisimasaqarluarnertik ESG-ip takutikkamikku tamanna akilerusupparput isumaqatigiissummik ukiut arlalinnut atuuttussamik, Carsten Th. Pedersen-ip oqaatigaa, ilisimavaalu peqatigiiffiit aningaasat tungaatigut ernumanassutissaqanngitsut angusaqarluarnissaminut periarfissaqarluartartut.
Tatiginassusermik isumaqatigiissut atatillugu GrønlandsBANKEN-ip ilisarnaataa ESG atisaataani nunanut allanut unammisartut aamma timersortartut pikkorivissut atortagaanni ersissaaq.
Tilbage
