GrønlandsBANKEN 1. januar 2021-mit, soraarnerussutisiaqalernissamut kontoni uninngasuutinut ernianik negativiusunik kiisalu aningaasanut aalajangersimasumik atugassaanngitsunut killiliussamik appaanermik eqqussissaaq. 

Soraarnerussutisiaqalernissamut kontot

1. februar 2021 aallarnerfigalugu soraarnerussutisiaqalernissamut kontoni uninngasuutinut ernianut negativiusunut aningaasaatit killiffiusut 25.000 kr.-inut inissinneqarput, erniallu -0,600 % p.a.-mut inissinneqarput.

Allannguut isumaqarpoq:
Sullitat, Qimatut Pension-eqartut, kontomi 25.000 kr.-imik sinneqartunik uninngasuuteqartut -0,6000% p.a.-mik akiliisassapput.

Aningaasat killiffiat apparneqarpoq

Peqatigitillugu 1. februar 2021-mi inuinnaat aamma inuussutissarsiornermi sullitat uninngasuutinut ernianut negativiusunut aningaasat killiffiusut 100.000 kr.-inut inissinneqarput. Maannakkuugallartoq erniat -0,600 %-iupput.

Allannguut isumaqarpoq:
Inuinnat aamma Inuussutissarsiornermi sullitat katillugit 100.000 kr.-imik sinneqartunik uninngasuuteqartut -0,600 % p.a.-mik akiliisassapput.

Nanoq kontot, meeqqat aamma inuusuttut kontoi, toqqortaatinut kontot aamma qularnaveeqqusiinermut kontot uninngasuutinut negativiusumik ernialersuinermut ilaanngillat.

Allannguinermut tunngavigineqarput maannakkut niuerfimmi inissisimaneq aamma niuernermi pissutsit.