Sisimiut GrønlandsBANKEN-ip niuerfiisa pingaarnerpaat ilagaat, taamaattumik aningaaseriviup nalunaarutigissallugu nuannaarutigaa Sisimiormioq, Najannguaq D. Lennert, immikkoortortaqarfimmi pisortatut nutaatut 1. april 2021-mi atorfinissammat.

Najannguaq D. Lennert Sisimiuni feeriartumut paarlattaasutut 2004-mi aningaaserivimmi sulilerpoq, ilusilersuinermut ilinniagaqaatigaluni. Tamatuma kingorna Nuummi arlaleriarluni atorfinittarpoq. Najannguup 2016-imi aningaaserinermi ikiortitut ilinniakkani naammassivaa, tamatumalu kingorna Nuummi immikkoortortami siunnersortitut atorfeqarsimalluni.

- Sisimiuni sullitat inuinnaat inuussutissarsiortullu sulieqatigilluarnissaannut qilanaarpunga, Najannguaq D. Lennert oqarpoq.

Privatimi Najannguaq siornatigut namminersorluni ilusilersuinermik atorfeqarnikuuvoq, qaqqamillu peqarpat qularnanngilaq Najannguup qaqereersimassagaa. Najannguaq aamma 2006-imi kalaallit siullerpaamik arnaannaallutik sermersuarmik ituinnikut ilagaat.

Najannguaq Sisimiunut angerlassaaq aappani, Janus aamma ernitik marluk, Innaaq 5-inik ukiulik aamma Anguvik 3-nik ukiulik ilagalugit.