Atuisut inuinnaat aningaasartuutaasumik erniaqarneri atorunnaarput

Danmarkimi Nationalbankimi ernianik qaffaanera malillugu GrønlandsBANKENi inuinnaat aningaaserivimmiititaanut aningaasartuutaasumik erniat atorunnaarsinniarlugu aalajangerpoq.

Aningaasartuutaasumik erniat amerlasuunik oqallisigineqarpoq, inuinnartullu atuisutut aningaaserivimmi uninngasuutinnut akiliisarneq nukillalaarnarigukku nuannaarutigisinnaavat atorunnaarsinneqarnera. Nationalbankiminngaanniit ernianik qaffaaneq kingulleq isumaqarpoq GrønlandsBANKENi atuisunut inuinnarnut aningaasartuutaasumik erniaqartitsineq atorunnaarsikkaa. Aningaaserivimmiititat 100.000 kronit sinnersimatillugit aningaasartuutaasumik erniat 0,75%iugaluarpoq.

• Aningaasartuutaasunik erniaqarnerup atorunnaariartornera assuarnaateqanngilaq. Qitiusumik aningaaseriviit ukiualuit ingerlanerini suna nalinginnaasuussanersoq aalajangerniarsaripput. Nationalbanki annikinnerusumik aningaasartuutaasunik erniaqarput suli, maannakkulli alloriarluta atuisut inuinnaat aningaaserivimmiititaannut aningaasartuutaasumik erniai atorunnaarsippagut, aningaaserivimmi pisortaq Martin Kviesgaard oqarpoq.

Inuussutissarsiortututtaaq atuisuuneq akikinnerusoq

Inuussutissarsiornermi ineriartorneq aamma assuarnaateqanngilaq, inuussutissarsiortut aningaaserivimmiititaannut aningaasartuutaasumik erniai 0,4%pointimik annikillisinneqarpoq.

Allannguinerit 1. september 2022-minngaanniit atuutilissapput

Taarsigassarsiniarmi erniat qaffalaartut

Inuinnaat inuussutissarsiortullu taarsigassarsiniarnerini erniaat 0,5%pointimik qaffassapput.

Aningaaseriviulli nioqqutaannut Illuga-mut taarsigassarsiat kiisalu Miljølånimut erniat nikissanngillat.

Atuisut inuinnaat taarsigassarsiniartillugit erniaanik allannguineq 15. November 2022-minngaanniit atuutilissapput, inuussutissarsiortunullu 15. Septemberiminngaanniit atuutilissapput.