Ukiut sisamat ingerlanerini aappassaaneerluni, GrønlandsBANKEN ukiumoortumik CSR-imut nalunaarusiornermini akissarsitinneqarpoq. Akissarsiarititaq, UN Global Compact-imut (SMV COP) ilaasortat suliffeqarfiit minnerit akunnattumillu angissusillit akornanni nalunaarusianut pitsaanerpaanut akissarsiaritinneqartarpoq. Global Compact Network Denmark-ip, Danske Revisorer FSR peqatigalugu akissarsiarititaq agguaattarpaa.

Akissarsisitsinermut tunngavilersuinermi allassimavoq: ”’2021-mi inuiaqatigiinnut akisussaaffiup nassuiaatiginera’ nassuiaatitut peqqissaartutut, paasissutissanik attuumassuteqartunik nassuiarluakkanik imaqartutut kiisalu nunarsuarmi anguniakkanik ataqatigiissaarilluartutut erseqqissarneqarpoq. Nalunaarusiaq 44-nik qupperneqarpoq, nunarsuarmilu anguniakkanik atuineq qupp. 8-9-mi takuneqarsinnaavoq, tassani nunarsuarmi anguniakkat GrønlandsBANKEN-ip sulissutigisai pingaarnersiorlugit pingaannginnersiorlugillu agguarneqarput. Paasissutissat atorneqarsinnaasut nassuiaammut naammaqutaalluarput, EU-llu disclosure pillugu peqqussutaanut, tamatumalu GrønlandsBANKEN-imut qanoq isumaqarneranut ilisarititsilluartoqarpoq, piumasaqaatit kajumissutsimik malinneqarnissaat toqqarneqarpat. Aningaasaqarneq atasinnaasoq nalunaarummi paasiuminarsakkamik ilisaritinneqarpoq, malittarisassanik malinninneq ilanngullugu tamanna qupp. 10-11-mi nassuiarneqarpoq. Paasissutissat pillugit pitsanngoriartoqarpoq, ilaatigut silaannaap pissusaanut sunniutit erseqqissassallugit naleqartut pillugit paasissutissat iluini.”

”2022-mi akissarsiarsisinneqaqqinneq CSR-imik suliassaqarfimmi tamarmi suliniuterpassuagut pillugit paasissutissiiniarnitsinnik nersorneqarneruvoq nuannersoq. Aningaasaqarneq Atasinnaasoq pillugu innersuussutinik malinninniarneq aningaaserivippassuarnut ajornartuuvoq, sapinngisagullu naapertorlugit tamanna paasinarsarniarparput, ajornanngisarlugu erseqqissarlugulu. Tamanna avataanut attaveqateqarnermik naleqqussaavoq. Naggataatigut sullitatsinnut, inuiaqatigiinnut aningaasaliisartunullu iluaqutaassaaq.” taama oqarpoq Allaffissornermi pisortaq Carsten Th. Pedersen, aamma aningaaserivimmi CSR-imut akisussaasuusoq.” Allattorsimaffimmi aamma aningaaserivittut kisiartaanerput tulluusimaarutigaara, attanneqarsinnaasumillu inuiaqatigiinni akisussaassuseqarnermik aningaaserivimmi suliaqarnerput maluginiarneqarlunilu isumaqartinneqartoq takutinneqarpoq,” Carsten Th. Pedersen naggasiivoq.

Global Compact Network Denmark-ip nammineq nutaarsiassaliaa uani atuarneqarsinnaavoq (qallunaatut).

GrønlandsBANKEN-ip CSR-imut nalunaarusiaa uani atuarneqarsinnaavoq.