Sullitat utoqqalinersiaqalernissamut Qimatut Pensionillit 2021-mi 30%-nik iluanaaruteqarput.

2021 amerlasuunik unammillernartoqarpoq, aningaasaliinermulli atatillugu 2020-mi kinguariarsimanerup kingorna 2021-mi aatsaat taama annertutigivoq. GrønlandsBANKENip soraarninngornissamut aaqqissuussaani Qimatut Pensionimi immikkut takuneqarsinnaavoq, tamanna aningaasaliinermut pisortap Klaus Trolle Pedersenip nunatsinni ineriartornea  sullitatsinnut toqqissisimanartutut naleqarluartutullu nalilerpaa.

”Qularnanngilaq 2021-mi pisut sullitatsinnut amerlasuunut aningaasaqarnikkut toqqissisimanerulersitsisut. Taamatuttaaq nunatsinnut iluaqutaavoq, inuttaasut soraarninngoraangata aningaasaqarnikkut isumannaannerulermata. Ilimagisimanngilarput taama annertutigisumik qaffatsiginissaa, nuannaarutigaarpulli.” Klaus Trolle Pedersen oqarpoq.

Aningaasaliinermi kinguneqarluarsinnaasoq sorleq toqqarsimanera apeqqutaatillugu Qimatut Pensioninik aningaasaliinermi iluanaarutit 5,5% aamma 30% akornanniipput. Aaqqissuussaq sullitatsinniit atorneqarnerpaasoq 16,73 %-mik iluanaaruteqartitsivoq. Aatsaat taama annertutigaaq.

”Ukiumut 2022-mut isumalluarpugut naatsorsuuteqarpallaaratali kinguariarsinnaammat, soraarninngornissamulli katersagaqarnissaq siunissaq ungasinnerusoq pillugu eqqarsaataammat tamanna eqqaamanissaa pingaaruteqarpoq.”

Qaqugukkut katersaqalerluni aallartinneq immikkut pineqarpoq.

”Qimatut Pensioneqarlutit utoqqalinermi toqqissisimanerusinnaavutit, pisariaqartitatit naapertorneqarsinnapput inigisat sivisunerusumik najorsinnaalerlugu imaluunniit angallatit paariinnarsinnaalerlugu. Qanoq siusitsigisumik katersagaqalersimanersutit pineqarpoq, tassanngaanniit utoqqalinersiaqalernissamut siunnersorti peqatigalugu soraarninngornermi kissaatitit piviusunngortinnissaanut iliuusissat nalilersussavasi.” aningaasaliinermut pisortaq naggasiivoq.

GrønlandsBANKENimi Qimatut Pension 2018-mi pilersinneqarpoq, soraarnerussutisiaqalernissamullu ikisisarnissaq inatsisitigut pisussaaffinngorneranut annertunerusumik atorneqarpoq. GrønlandsBANKENi januar 2022-mi sullitat kontoini 40 mio. kronit sinnerlugit iluanaarutit nalunaarsorpai. ­­­­­­­­­­­­­Soraarninngornissamut katersaqartunut iluanaarutit utoqqalinissamut toqqissisimanerulertitsipput.

 Paasissutissaq: Qimatut Pensioni qanoq ingerlasimaneranut paasisaqarnerorusukkuit www.lokalpuljeinvest.dk aamma www.banken.gl iluani malinnaasinnaavutit.