Kalaallit Nunaanni eqaarsaartarneq ineriartorpoq soqutigineqarneralu alliartorpoq. Aningerit minnerillu ukioq naallugu ataatsimoortarput sungiusarlutillu - takutitsinissamut kiisalu nukiit aqussinnaaneri pitsanngorsarnissaanut. Nuannarineqarnera malugineqarpoq, taamaattumik GrønlandsBANKENi peqatigiiffimmut piumassutsiminnik ingerlatsisut tapersersorniarlugit Nuummi Eqaarsaartartut Peqatigiiffiannut pingaarnertut aningaasaliisussatut sassarpoq. Nuummi Eqaarsaartartut Peqatigiiffiannut siulittaasoq Line Poulsen nersugaanertik  aningaasaliiffigitinnertillu nuannaarutigaa.

- GrønlandsBANKENip tapersiinera isumaqaqaaq. Peqatigiiffik peqqinnartoq soqutigineqarluartorlu pilersissimavarput suliffeqarfinniit tapersersorneqarusuttoq. Peqatigiiffik piumassutsiminnik sulerusuttunik ingerlanneqarpoq kommunemiit tapiiffigineqarnani. Taamaammat nuannaarutigeqaarput aningaaseriviup tapersersorusummatigut Line Poulsen oqarpoq.

GrønlandsBANKENi ukiorpassuarni Kalaallit Nunaanni timersorneq tapersersorsimavaa, Nuummilu immikkoortortaqarfimmi pisortaq Malene Christensen eqaarsaarnerup ineriartorluarnera pitsaalluinnartutut isigivaa.

- Kalaallit Nunaat tamakkerlugu aningaaserivittut nunaqqatitta piliai amerlasuujulluta nuannaarutigisinnaasagut tapersersorusuppagut. Kalaallit timersortarnerini eqaarsaartartut peqatigiiffii nutaajupput misigivarpullu

inuiaqatigiinnut ataatsimoortitsisartoq - ukiukkut aasakkullu. Peqatigiiffik piumassutsiminnik sulisunit ingerlanneqarpoq tamannalu inunnut timininnik atuerusuttunut malunnaateqarpoq. Soorunami Nuummi Eqaarsaartartut Peqatigiiffiat tapersersorparput, Nuummi immikkoortortaqarfimmi pisortaq Malene Christensen oqarpoq.

Nuummi Eqaarsaartartut Peqatigiiffiat Kalaallit Nunaata sinneranut eqaarsaartarneq siammarternissaa suliniutigaat, ingerlaavartumillu illoqarfinnut ilinniartitsiartornerit takutitsiartornerillu ingerlallugit. Oktoberimi Tasiilamukassapput tassungalu atatillugu illoqarfimmut eqaarsaarutinik tunniussissapput eqaarsaarneq soqutigineqarnerulernissaa neriuutigalugu.