GrønlandsBANKEN-imi Inuussutissarsiornermi aningaasaateqarfiup Aallartisaasunut akissarsiaritittagaa 2024

Inuussutissarsiornermi aningaasaateqarfiup ukiuni arlalinni inunnut imaluunniit suliffeqarfinnut, sulinerminni immikkut piumassuseqqortuunut, kajumissusilinnut aamma malunnartumik suliniuteqartunut aallartisaasunut akissarsiaritittakkani tunniuttarpaa – piffissallu ingerlanerani Kalaallit Nunaanni sumiiffinni assigiinngitsunit kiisalu inuussutissarsiorfinni assigiinngitsunit akissarsititsisoqartarnikuuvoq.

Inuussutissarsiornermi aningaasaateqarfiup siulersuisuisa Aallartisaasunut akissarsiarititaq 2024-mi Ulloriaq & Paarma Kreutzmann, Milak Productions ApS-imik pilersitsisunut tunniutissallugu aalajangiussimavaat.

”Ulloriaq Kreutzmann sanasutut suliffeqarfiup ingerlalluartup saniatigut, nuliani Paarma peqatigalugu Milak Productions ApS, najukkami qimmit nerisassaanik nioqqutissiorfiusoq pilersinnikuuaat. 

Qularnanngilaq, nioqqutissiortut nunani allaneersutangisuut toqqaannartumik unammillerlugitsuliffeqarfimmik taama ittumik aallartitsineq unammillernartuusoq, suliniullikajumissaasertariaqarpoq kiisalu GrønlandsBANKEN-ip Inuussutissarsiornermi aningaasaateqarfiata Aallartisaasunut akissarsiaritittagaa pissarsiarisariaqarpaa.

Neqi A/S-imit, PolarSeafood A/S-imit aamma Halibut Greenland A/S-imit eqqakkat suliffeqarfissinnik atorluarnissaannut periarfissaq tiguarsi, tamatumani siunertaralugu aningaasaqarnikkut aamma avatangiisinut piujuartitsisumik nunami nioqqutissiornerup pilersinnissaa.

Taamaattumik suliniut, Kalaallit Nunaanni inuussutissarsiutinik nutaanik ineriartortitsinissamut uuttuutinik arlalinnik imaqarpoq. Suliffeqarfimmi aqutsisutut maannakkut ilisimasasi atorpasi, suliffeqarfimmik allamik suleqateqarlusi aningaasaqarnermik naleqalersitsinermut nutaamut. Peqatigitillugu eqqakkat nioqqutinngortippasi kiisalu nammineq nioqqutinni – qimmit nerisassai – aammali toqqaannanngitsumik suleqatigisassi suliffeqarfiini piujuartitsineq annertusarlugu.

Tamatuma saniatigut suliffeqarfimmik ineriartortitsinermi aamma suliffeqarfiup isumaa pillugu attaveqatigiinnermi annertuumik isumassarsiornermik kiisalu tunniutiinnajannginnermik takutitsisimavusi.

Milak Productions ApS aamma aappariit, Ulloriaq & Paarma Kreutzmann Kalaallit Nunaanni aallartisaasunut allanut isumassarsiortitsivusi, kissaatigaarpullu 2024-mi Inuussutissarsiornermi aningaasaateqarfiup akissarsiarititaanik kaammattornissarsi najukkami piujuartitsilluni nioqqutissiornermik pilersitsillunisulinerup pitsaasup ingerlatiinnarnissaanut.”