2024-mi ukiup affaani siullermi, GrønlandsBANKEN-imi akileraaruteqannginnermi inernerusut kr. 120,1 mio.-iupput, 2023-mi ukiup affaani siullermi kr. 103,0 mio.-iusut. Nalinik iluarsiinnginnermi aamma nalikilliliinnginnermi inernerusut tassaapput kr. 127,5 mio.-it, ukiumi siuliani kr. 98,3 mio.-iusut. Taarsigassarsiarititat 2023-lli naanerani kr. 284 mio.-inik qaffariarsimapput, ukiullu affaata siulliup naanerani kr. 5.097 mio.-iullutik. Aningaaserivimmi pisortap, Martin Kviesgaardip inernerusut naammagisimaarpai.

”Ukiup affaani siullermi kisitsisit kusanarluinnarput. Ineriartorneq pitsaasoq naatsorsuutiginikuuarput, peqatigitilluguli 2024-mi aningaaseriviup taarsigassarsiarititaasa annikinnerusumik siuariartornissaat naatsorsuutigisimallugu. Taarsigassarsiarititat qaffariarnerat taamaasilluni aamma naatsorsuutigisamit annertuneruvoq, kisianni soorunami nuannaarutaalluni, kiisalu inernerusut siuariartornerannut tunngaviulluinnartut ilagaat.”

Naatsorsuutit 2024-mi ukiup affaani siullermi ilanngaateqareerluni ernianit aamma akiliutinit isertitat kr. 38,4 mio.-iusut takutippaat, 2023-mi piffissami tassani kr. 242,4 mio. kr.-inut sanilliullugit.

”Aatsaat taama taarsigassiinermi angusaqartigaagut, aatsaallu siullerpaamik 5 mia.-it sinnerlugit, 2023-mi aamma 2024-mi erniat ineriartorneranit sunniutit qaavatigut ilanngukkaanni, qulaani kusanartumik inissisimasoqarpoq.” Martin Kviesgaard oqarpoq.

2024-mi ukiup affaani siullermi aningaasartuutit katillugit, nalikilliliinerit ilanngullugit kr. 117,5 mio.-iupput, 2023-mi piffissami tassani kr. 108,7 mio.-iusut. Sulisunut aningaasartuutit qaffariaataasimapput, tassani isumaqatigiissutitigut iluarsiinerit kingunerisaanik aamma sulisut amerlinerinut aningaasaliiuarneq tassunga aamma nassuiaataalluarpoq.

Paarlattuanik aningaaserivimmi nalinik iluarsiinerit 2023-mit annikinnerupput. Postip takutippai iluanaarutit kr. 3,9 mio.-iusut, 2023-mi piffissami tassani 11,0 mio.-inut sanilliullugit.

Taarsigassarsiarititanut qularnaveeqqutinullu nalikilliliinerit annaasaqarnerillu 2024-mi ukiumi affaani siullermi kr. 11,3 mio.-iupput, 2023-mi ukiumi affaani siullermi kr. 6,3 mio.-iusut. ”Annaasaqarnerit aamma nalikilliliinerit suli appasimmata iluarisimaarparput”, Martin Kviesgaard oqarpoq.

”Siumut isigissagutta ukiormanna sammisat appasinnerulaassasut malugaarput, tamannali naatsorsuutaareerpoq, ilaatigut erniat qaffasinnerunerat aamma nukissiuutit akiisa qaffannerat pissutigalugu. Ukioq 2024 ilaqutariit aamma suliffeqarfiit aningaasaliisarnerannut atatillugu pauserfiulaassaaq, nalilerparpulli, ukiuni aggersuni tamanna annertuseqqikkumaartoq”, Martin Kviesgaard naggasiivoq.

Aningaaseriviup nalilerpaa, kvartalini aggersuni erniat appariarnissaannut periarfissaqarluartoq, aalisarnermullu inatsisip nutaap periarfissiinerata kiisalu qaammatini tulliuttuni Nuummi mittarfiup sananeqarnerata inaarneqarnerata nassatarissavaa 2025-mi tamatumalu kingorna ukiuni aggersuni aningaasaliinerit nutaat. Ukiuni aggersuni pingaartumik takornariaqarnerup ineriartornissaa aningaaseriviup naatsorsuutigaa.

24. juli 2024-mi fondsbørsimut nalunaarummi 2024-mut suli akileraartinnani ukiumut inernerusutut naatsorsuutit kr. 200-400-p missaanniissasut qaffanneqarput, ukioq kingulleq inernerusut kr. 244 mio.-iusut.