Michaelip Kalaallit Nunaannut tikinneranit massakkut sapaatip akunnera qaangiuppoq

Kufferti immeriarlugu Kalaallit Nunaannut nuunniarnermi aalajangiinerit annertuut aqqusaarneqartarput aamma Mikkel Holm Mikkelsen-imut taamaappoq, GrønlandsBANKEN-imi akiliisitsiniarnernut siunnersortitut atorfinittussanngorami.

Ukioq ataaseq qaangiuppoq, Michael-ip GrønlandsBANKEN-ip videomik LinkedIn-ikkut ussassaarutaa takoqqaaramiulli. Aallaqqaammut eqqarsaatigeqqinngikkaluarlugu, LinkedIn-imi sulisussarsiornerit aammalu filmiliaaqqat takullattaartaleramigit pileritsassimavoq. GrønlandsBANKEN-imi akiliisitsiniarnernut siunnersortitut qinnuteqarpoq atorfinillunilu.

”Kalaallit Nunaannut nuunnissaq uannut aalajangiineruvoq ANNERTOOQ”, Michael Holm Mikkelsen qungujulluni oqaluttuarpoq nangillunilu, ”Nuuk 4.000 km.-inik ilisimasannit ungasitsigaaq, inunnik nalunngisaqanngilanga nuuffissamilu ileqqunik inatsisinillu ilisimasaqarnanga. Taamaammat eqqarsarsimavunga misilittariaqarlugu!”

Nunarsuaq nutaaq misiginiarlugu, suna tamaat qimakkallarneqassaaq.

• ”Soorunami ilaqutariinnermut tunngasut apeqqutaalluinnarput, uannullu tunngatillugu kisimiittuuvunga meeqqakkalu DK-mi nammineersinnaanngoreernikuullutik pisariaqartitsinerilu annikillereernikuullutik. Taamaammat nammineq aalajangerpara – uanga pisariaqartitakka malillugit, UANGAANA Kalaallit Nunaannut nuuttunga!”

Michael-imi sapaatip akunnera Kalaallit Nunaanneereernermini sunik oqaluttuassaqarpa?

”Sapaatip akunnera maaneereersimalerpunga misigisanillu ulikkaarlunga, sulilu aamma allanik takkuttussaqarluni, massakkumullu PEQQISSIMINNGILANGA. Pinngortitaq allarujussuaq pillugu tikippunga, piorsarsimassuseq alla misigerusullugu, DK-mi inuuninnut amerlasuutigut ilisarnartortalik misigaaralu maani Nuummi assingussutilik. Suli nuannersorpassuarnik misigisaqarumaarpunga isumaqarluinnarpungalu piffissami aggersumi, nuna inuiaqatigiillu sungiukkiartornerini, taakku takkukkumaartut.”

Nunamut nutaamut suliffimmullu nutaamut pinermi toqqissisimanartumik sulilersitsisoqarnissaa pisariaqarpoq, minnerunngitsumik inoqatit aallartilluarnissamik kissaateqartut akornaniinnissaq pingaaruteqarpoq.

”Suliassanik naammassiuminaatsunik naammattuuitillunga – ullut tamaasa naammattuuisarpunga! - misigisarpunga inussiarnersunik siunnersuerusuttunillu suleqateqarlunga. DK-miit Kalaallit Nunaannut nuunnissaq aalajangerneq annertuujuvoq, ilaqutariilli inissiisimatillugit taava isumaliutigisassaqqippoq – maanngarnissaq siunnersuutigiinnarsinnaavara!” taama GrønlandsBANKEN-imi akiliisitsiniarnernut siunnersortinngorlaaq, Michael Holm Mikkelsen, naggasiivoq.