Isumaqarluartumik atorfeqalernissannut piareeqqavit? Grønlandsbankimi nunamut tamarmut suleqatigiinnut piumassusilinnut peqataalissaatit. Nutaraaguit misilittagaqaruilluunniit isumaqarluartumik peqataalernissannik neqeroorfigaatsigit. Uagutsinni pissanganartunik suliaqaatigalutit piginnaasatit ineriartortissavatit aamma pingaarutilinnik ilisarisimasartaartussaatit. Suliffimmi isumassarsiat suliniutillu pingaartippagut, suliffimmi inuttullu ineriartorlutalu naammagisimaarinnissinnaaniassagatta.
Grønlandsbankimi ilinniarneq
Ilinniagaqalerusuppit piginnaasaqarfigillualersinnaasannik suliffissanillu pissanganartunik periarfissiisumik? Grønlandsbankimi Finanselev-inngorsinnaavutit aamma finanstrainee imaluunniit Finansøkonomitut suliffimmik misiliisinnaavutit. Atuagarsorneq sulinerlu akuleriisittarpavut atuagarsornikkullu inuttullu ineriartornissat qularnaartarlutigu. Periarfissatit pillugit atuarit – Grønlandsbankimilu atorfeqalersinnaanerit ullumikkut misissorlugu.
“Bankiinnaanngilagut – Kalaallit Nunaata ineriartorneranut pingaaruteqarpugut anguniagaraarpullu siunnersuinikkut aningaasaqarnerullu tungaatigut sullissinikkut, Kalaallit Nunaanni najugalinnut, pitsanngorsaanissaq. Inuiaqatigiinnik pitsanngorsaaqataavugut aningaasaqarnermik paasinnilluarsinnaaneq siuarsarlugu, ilinniarfiit aammalu inuutissarsiortut suleqatigalugit kiisalu sumiiffigisani suliniutit piujuartussat tapersersornerisigut aamma ineriartorneq. Suliffimmi ineriartorneq neqeroorutigaarput aamma ilisarisimasartaarnerit pingaarutillit kiisalu suliffiup sunngiffiullu oqimaaqatigiinnissaat.
Patricia Lund Olsen
HR-imi pisortaq
Naleqartitat
Grønlandsbankimi siunnerfeqarluarpugut: Kalaallit Nunaannut iluaqutaanissaq. Pitsanngorsaavigerusutavut tassaapput atuisuvut, suleqativut, anigaasaliisuvut kiisalu inuiaqatigiinnut.
Kalaallit Nunaannut nooqqammerpit?
Kalaallit Nunaanni najugaqarlunilu sulineq inuunermi misigisatsialaavoq – ilaqutariinni tamanut. Atorfimmut atatillugu najukkat nutaaliaasunit ilinniarnissamut peqqinnissamullu periarfissiinikkut, nooqqaarninni aallartilluarnissannut ikiussavatsigit.
