Isumaqarluartumik atorfeqalernissannut piareeqqavit? Grønlandsbankimi Finanselevitut periarfissaqassaatit ineriartornissannut suleqatit ittoornanngitsut ilinniarfiulluarsinnaasut akornanni. Naatsorsuutigaarput akisussaaffimmik tigusinissat, takkuttuaannarnissat sullissilluarnissamillu pingaartitsisuunissat. Kisitsisinik paasisimasaqarluassaatit, peqqissaartuullutit inuillu allat pisariaqartitaannik paasinnissinnaassallutit.
Ilinniarneq
Grønlandsbankimi finanselevitut bankimi sulinissamut ilinniartinneqassaatit. Ilinniarneq ukiunik marlunnik sivisussuseqarpoq atuagarsorneq suliffimmilu misiliineq paarlakaallugit ingerlanneqartarluni.
Atuagarsornermi teoriimut tunngasunik ilisimasaqalissaatit bankimi sulininni atorsinnaasannik.
Ilinnut tunngasut
Ilinniartut pikkorinnerit ujartorpavut, taamaammallu naatsorsuutigaarput illit:
- GUX-imi erhvervsøkonomi C-niveau, HHX, Merx 1, TNI Butik imaluunniit TNI Administration naammassisimassagit.
- Ilikkagaqarnissannut nammineq akisussaaffimmik tigusinissat takkuttuaannarnissallu.
- Sullissinissat pingaartissagit allanillu ikiuinissannut qanoq iliorsinnaanerit eqqarsaatigisassagit.
- Suliatit peqqissaaruttassagitit.
- Oqaloqatikkuminartuunissat inuillu allat pisariaqartitaat inissisimanerallu paasilluarsinnaassagitit.
- Periarfissanik takunnillaqqissuunissat aporfissat pivallaarnagit.
- Ilakkuminartuunissat.
Tunniussinnaasavut
Uagutsinni finanselev-inngussaguit suleqatigiit ataatsimoorluartut akornanniilissaatit. Pikkorissunik suleqateqassaatit tapersersorneqarlutillu suliffimmut tunngasutigut ineriartussaatit.
Ilinniartunut isumaqatigiissut naapertorlugu akissarsiaqartinneqassaatit.
Ima qinnuteqassaatit
Atorfiit inuttarsarsiukkat ataani takusinnaavat finanselev-inik pissarsiornersugut. Aamma atuisutut allatsissinnaavutit CV-llu CV-bank-innut ikkullugu. Piginnaasatit ilinniakkallu atorfiit ilaannut tulluassappat attavigissavatsigit. Tusarfiginissat qilanaaraarput!
