Grønlandsbankimi trainee-nngoruit suleqatigiit pikkorissut suleqatigilissavatit. Ilinniarninni teoriimut tunngasut suliffinni atorsinnaassavatit ineriartornissannullu anguniagassannik ikiorsinnaavatsigit. Suliffimmik misiliinerpit nalaani ilaatigut suliassarissavatit sullitanik siunnersuineq, nioqqutissaatit ilitsersuineq inissianillu aningaasaliineq, taarsigassarsineq, aningaasaliineq soraarnerussutisiallu. Sapiissuseqariaruit tunniusimallutillu akisussaaffimmik tunineqapallassaatit siunissamilu pingaarutilimmik inissisimalissallutit.
Ilinnut tunngasut
Grønlandsbankimi finanstrainee-ussaguit pingaartipparput illit:
- Ilikkagaqarnissannut nammineq akisussaaffimmik tigusinissat takkuttuaannarnissallu.
- Sullissinissat pingaartissagit allanillu ikiuinissannut qanoq iliorsinnaanerit eqqarsaatigisassagit.
- Kisitsisinik paasisimasaqarluassasutit suliatillu peqqissaaruttassagitit.
- Oqaloqatikkuminartuunissat inuillu allat pisariaqartitaat inissisimanerallu paasilluarsinnaassagitit.
- Periarfissanik takunnillaqqissuunissat aporfissat pivallaarnagit.
- Ilakkuminartuunissat.
Tunniussinnaasavut
- Suleqatit pikkorissut ataatsimooqatiginnillaqqissut.
- Suleqatit ittoornanngitsut.
- Ataavartumik tapersersorneqarneq suliffimmullu tunngasutigut ineriartorneq.
Ima qinnuteqassaatit
Atorfiit inuttarsarsiukkat ataani takusinnaavat finanselev-inik pissarsiornersugut. Aamma atuisutut allatsissinnaavutit CV-llu CV-bank-innut ikkullugu. Piginnaasatit ilinniakkallu atorfiit ilaannut tulluassappat attavigissavatsigit. Tusarfiginissat qilanaaraarput!
