Grønlandsbanken-imi isumaqarpugut, sulinermi nuannaarneq aamma atugarissaarneq, ulluinnarni iluatsissimanermik misigissutsimut qanimut ataqatigiittut. Finanssektorens Uddannelsescenter aamma Finansforbundet suleqatigalugit aningaaserivimmi ilikkariartornermi kulturip nukittorsarnissaa anguniagaqarfigalugu sulivugut. Anguniagaq tassaavoq nunarsuarmi allanngoriartortuartumi tamatta pitsaanerusumik aqqutissiorsinnaanissarput, kiisalu ulluinnarni atugarissaarnermik suleqatigiinnermillu pitsaanerusumik pilersitsinissarput.
Qanoq taamaaliussaagut?
Ilikkariartornermi kulturimik uuttuinikkut, atortussanik kiisalu sammisanik ulluinnatsinnut tulluarsakkanik peqarnikkut, kulturimik nukittunerusumik pilersitsissaagut, suliatsinni tamani ilikkariartorneq ilaareerluni. Ataatsimut anguniagaraarput, uagut suleqatittalu misigissagaat, suleqatigiinnermit ilikkariartornermut suut tamarmik pitsaanerusumik ingerlanerat.
