GrønlandsBANKEN Kallaallit Nunaata Tamarmiusup Aningaaserivigaa.

Taamaattumik tamaviaarluta suliniutigiuarparput siunnersuisarnitta taarsigassarsisitsisarnittalu illoqarfinnit immikkoortorta-qarfeqarfiginngisatsinnit aamma attaveqarfigiuminartuunissaat. Illoqarfiit immikkortortaqarfigisagut makkuupput; Ilulissat, Aasiaat, Sisimiut, Maniitsoq, Nuuk aamma Qaqortoq.

Pingaartuuvoq nutaamik eqqarsartuarneq angujumallugu innuttaasut suli amerlanerit pitsaasumik sullissinnaanissaat. Soorlu assersuutigalugu namminersorlutik inuussutissarsiuteqartut sullissarisagut tamaasa assitalimmik attaveqaatit atorlugit ataatsimeeqatigisinnaanerat neqeroorutigaarput aammalu Tunumi Tasiilami Avannaanilu Uummannami sullissagut/atuisartugut ukiumut marloriarlugit tikeraartarpagut.

Taamatut ingerlattakkagut ingerlaavartumik naleqqussartarpagut piffissarlu ungasinnerusoq eqqarsaatigalugu neriuutigaarput angalasarnerit siammarnerusinnaajumaarlugit.