Konto-nnut attumassuteqartunik allanut tunniussuisarpit?

GrønlandsBANKEN piffissami kingulliunerusumi sullissanit, qarasaasiaq atorlugu niuernernut atatillugu salloqittaavigineqarsimasunit saaffiginnissutinik amerliartuinnartunik tigusaqartalersimavoq. Anngiorlutik salloqittaasutut nalunaarutigineqartartut tassaagajunnerupput pisiniartarfiit Europa-p avataaneersuuneerusut. Taamaattumik GrønlandBANKEN-imit sullissatsinnut kaammaatutigissavarput qarasaasiakkut pisiniarnissat pitinnagit nalinginnaasumik eqqarsarluaqqaartaqqullugit.

Tassami sungiusimasat ileqqorisatillu niuertarfinni pisiniarninni atortakkatit qarasaasiakkut niuernermi aamma atortarukkit, taava tunngaviatigut salloqittarneqarsinnaanrmu illersugaalluassagavit.

GrønlandsBANKEN-imit makku pingaarnertut siunnersuutitut saqqummiukkumavagut, niuerniannginninni maleqqunaqisut:

1. Pisiassaq imatut akikitsigippat, allat akia uppernanngingajalluni, taava inassutiginarpoq paasiniaaqqaassasutit pisiniarfiginiakkat pillugu.

2. Mianersortumik pissuseqartuartassaatit inunnut ataasiakkaanut aningaasanik nuussinissat qinnutigineqartillugu. Nassitsivissatut innersuussutigineqartup aqqa tamatigut misissoqqaartaruk, konto-nnut attuumassuteqartunik paasissutissanik tunniussitinnak.

3. Mails-it nittartakkallu niuerfiginiakkannut tunngasut misissoqqaartakkit. Najugarisatut nalunaarutigineqartoq, oqaatsit atorneqartut, atit imal. nittarsaanneqartumik isikkullersuisimanerit allanarpata, taava ilumut pisiniassanerlutit eqqarsaatigeqqilluaruk, nalilerlugu eqqortumut pisinaiarnialersaarnerlutit.

Eqqaamajuk aningaaserivik tassaniluunniit siunenersuisorisartakkat qaqugukkulluunniit attavigisinnaagakkit, aningaasanik nussinissat akunnattoqarsorigukku.
Saniatigut inakkumavatsigit Atuisarnermut Unammilleqatigiinnermullu Siunnersuisoqarfiup nittartagaa aqqutigalugu paasissutissanik sukumiinerusunik piniarnissamut.