Meeqqat 2017imi juullimut ammartagassaat ”Ulandskalender” maannamiit tuniniarneqalerpoq. Poortugaq marlunnik ammartagartalik akeqarpoq 45 kr., pisiarineqarsinnaassaarlu decemberip 5iata tungaanut.

Ukioq mannalu TV-kkut juullimut ammartakkatut takutinneqartartussaq taaguuteqarpoq "Snefald" DR1-ikkullu isiginnaarneqarsinnaassaaq, saniatigullu ”ramajetternes jul” DR Ramasjangikkut takuneqarsinnaassalluni.

Juullimut ammartagaq aningaasarsiutaanngilaq, ukioq mannalu sinneqartoorutit Oxfam IBIS-ip Burkina Faso-mi suliniutaanut nakkartinneqassapput.
Afrikammii meerarpassuit atuaratik sulisarput.
Tassami meeqqat 5-iniit 14-inut ukioqartut akornanni affangajaat atuaratik sulisariaqartarput. Qaqutiguunngitsumillu ullormut akunnerit 10-t sulisariaqartarput,taamaattumillu meerarpassuit atuarnissamut kingornalu ilinniagaqarnissamut periarfissaqarneq ajorput. Juullimullu ammartakkap tunineranit sinneqartoorutaasut meeqqanut, ullumikkut guultisiorfinni sulisartut atualersinnaanissaannut ikiuutitut atorneqassapput.