Elite Sport Greenland aamma GrønlandsBANKEN suleqatigiinnissamik isumaqatigiissumminnik sivitsuipput

Isumaqatigiissut nutaaq atsiorneqaqqammerpoq, tassanilu tunngaviuvoq, ukiorpaalunni suleqatigiilluarsimanerup minnerpaamik ukiuni marlunni nanginneqarluni ingerlaqqinnissaa.
GrønlandsBANKENimi allaffisornermut pisortaq, Carsten Th. Pedersen, oqarpoq ESG-mik isumaqatigiissuteqarneq tassaasoq, ESG-p ingerlataanut qaffasissumillu timersortartunut siammasissumik tapersiineq.

- Nuannaarutissaavoq ESG-mik suleqateqarnerup nangeqqinnissaa. ESG-mmi Kalaallit Nunaanni qaffasissumik timersortartunik annertuumik sullissinermi saniatigut aamma tamaviarutigivaa timersortartunik nutaanik piukkunnartunik inerisaaneq, soorlu GUX idrætslinie aqqutigalugu. Annertuumimmi siammasissumillu timersortartunik inuusuttunik inersimasunillu tapersersuineq GrønlandsBANKENimit pissusissamisoorluinnartutut isigineqarpoq, taamatut oqarpoq GrønlandsBANKENimi allaffissornermut pisortaq, Carsten Th. Pedersen.

ESG-p siulersuisuini siulittaasoq Malik Hegelund Olsenip GrønlandsBANKENimik suleqateqarneq, kalaallit timesortartut ineriartortinniarlugit, suliamik annertuumik suliaqarnermik pattalarinninnertut isigivaa.

- GrønlandsBANKENilu suleqatigiinnitta ingerlaqqinnera uagut isumaqartipparput, inuusuttunnik angusaqarluarumasunik OL-imilu pitsaasumik peqataasussanik ineriartortitsinermik suliaqarnerput, pitsaasumik ingerlakkipput, Malik Hegelund Olsen oqarpoq nangillunilu, qaffasissumik timersotartunut nunatsinnilu timersortartunut piukkunnartunut nutaanut atatillugu ESG siunissaq isigalugu siumut isigisumik periusissiorpoq, GUX idrætslinie-milu siunertaavoq inuusuttut timersornikkut ilinniagaqarnikkullu ineriartortinnissaat, Malik Hegelund Olsen naggasiilluni oqarpoq.

ESG aamma GrønlandsBANKEN 2013-imili suleqatigiilerput, maannalu isumaqatigiissummik sivitsuineq 2019-ip tungaanut ingerlasussaavoq. Qaffasissumik timersortartut ESG-mit tapersersugaasut, Martin Møller aammalu Laila Salling qanittukkut Koreami Kujallermi OL-ernissamut ujakkaarnermi halfpipe Freestyleimilu peqatasussanngorlutik anngupput.