Inuinnaat akornanni nuussinernut 50.000 koruuninik annerpaaffissalerpoq. Taamaalilluni aningaaserivik peqquserluuteqarnernik akiuiniarnerminut iliuuseqaqqippoq.  

Aningaaserivinni allani sullitanut ingerlaannartumik ulluinnarlugulu nuussinernut taamaallaat tamanna atuuppoq. GrønlandsBANKEN-ip sullissaasa akornanni nuussinerit tamatigut ingerlaannartumik nuussinertut pisarput.

Inummut allamut nuussinerit 50.000 kr.-inik annerpaaffilerneqarput

Ingerlaannartumik ulluinnarlugulu nuussinernik unitsitsinerup saniatigut aamma aningaaserivik inuinnaat akornanni inummut allamut nuussinernut 50.000 kr.-inik annerpaaffiliivoq. Taamatut iliuuseqarnermigut aningaaseriviup annaasaqaataasussaagaluit annikillisissinnaavai amerlasuutigullu sullitatta aningaasaataat annaassinnaassallutigit.

Aningaaserivimmi sullitanut inuinnarnut taamaallaat iliuuserineqartut uku atuupput. Sullitavut inuussutissarsiortut periarfissaat allanngunngillat, taakkuli aamma anginerusumik akisussaaffeqartitaapput.

Atassuteqarfissaq: pfr@banken.gl Peter Fleischer Rex, Attaveqatigiinnermut nittarsaassinermullu siunnersorti