GSS-imi assammik arsaattartut GrønlandsBANKENilu ikioqatigiinnissamut isumaqatigiissummik atsioqatigiipput. Nuummi GrønlandsBANKENimi immikkoortortaqarfimmi pisortap Malene Christensen peqatigiit ileqqutoqqanik pingaartitsilluartut suleqatiginissai qilaanaarivaa.

- GSS-imi assammik arsaattut Nuummi timersornerup silarsuaanni tulluusimaarnartut ilarivaat. Arsaateqataasut unammillaqqinneri peqatigiit ingerlalluarnerannut kisimi peqqutaanngilaq, ingerlalluarnermili ingerlanerliornermiluunniit sukataarsinnaaneq sapinnginnamikku. Soorlu piffissami kingullermi coronamut killilersuinerit qujanartumilli maannakkut qaangiuppoq. GSS ilaasortanut tarnikkut timikkullu peqqissutsikkut sunniuteqarluarpq meeraappata, inuusuttuuppata inersimasuppataluunniit. Peqatigiiffik iluamik ingerlasuuvoq tamannalu soorunami GrønlandsBANKENip tapersersorpaa, Malene Christensen oqarpoq.

GSS-imi assammik arsaattut siulittaasuat Kristian Heilmann Kalaallit Nunaanni angingaaserivinni anginersaq GrønlandsBANKENi suleqatigiinnarnissaa qilanaarivaa.

- GSS-imi assammik arsaattut GrønlandsBANKENilu suleqatigiinnerisa ingerlaannarnissaanut ersarippoq aningaaseriviup GSS peqatigiiffik meeqqat, inuusuttut inersimasullu peqqissumik inooriaaseqarnissaanut tapersersuisutut isigigaat. Aningaaseriviup ingerlalluarnermi tapersersortuarpaatigut, pingaanertulli ingerlanerliornermi soorlu coronamut killilersuinerni tapersersortarluta. GrønlandsBANKENi aningaaseriviinnaanngilaq sulffeqarfiuvorli Kalaallit Nunaannut iluaqutaasoq, taamammat appa atuinnarnissaa qilanaarivarput, Kristian Heilmann oqarpoq.

GSS-imi assammik arsaattut Kalaallit Nunaanni assammik arsaattuni ajugaanerpaasarpoq taakkulu 1944-miilli Nuummi peqatigiiffinni ileqqutoqqanik pingaartitsilluartut ilarivaat. Peqatigiiffimmi arnat angutillu inersimasut arlallit nunani allani unammisarput.