GrønlandsBANKENimi suleqatigiissitaraagut avatangiisinik mianerinninneq aammalu aningaasaqarnikkut isumatusaarneq.

Taamaattumik neqeroorutigisinnaavarput avatangiisinut attuumassuteqartumik taarsigassarsiniarfiusinnaasoq ”Nutarsaaneq” nunatsinni taarsigassarsisitsissutit akikinnersaat

Ilinnut tamanna qanoq isumaqarpa?

Kalaallit Nunaanni inigisanik kiassaaneq akikitsunngilaq, avatangiisit akillu eqqarsaatigalugit. Nutarsaaneq atorlugu periarfissippatsigit inigisavit pitsanngorsarnissaanut taamallu avatangiisinut mianerinninnerusumik nukissamillu atuinikinnerusumik ingerlanissannut.

Ernialersuut nikerartuuvoq nalinginnaasumillu ernialiussat allat nikerarnerat ilutigalugu allanngorartuulluni. Akigisanut nalunaarsuummi ernia takujuk.

Nutarsaaneq qanoq aaqqissuussaava?

Inissianik nammineq pigisanik inuussutissarsiornermullu atasumik illuutinik peqartut, nalinginnaasumik nalilersuinerit tunngavigalugit 300.000 koruunit tikillugit atoruminarsagaasumik tunngavilimmik taarsigassarsiniarsinnaapput.

Taarsigassarsiaq pitsaanngorsaanernut soorlu assersuutigalugu kissarsuutit kiassaatit uuliatortut nutaanngilisut taarsersornerinut, illut ussissarnerinut, matut igalaalluunniit taarsersornerinut, qaliat qaavisa taarsersornerinut imal. seqernup qinngorneranik batteriinik ingerlasunik ikkussuinernut, atorneqarsinnaavoq.

Siunnersortivit periarfissat pillugit oqaluttuussinnaavaatit nassuiarlugit suut killigititaanersut suullu piumasaqaataanersut. Taamaattumik sianerlutit saaffiginnipallagit periarfissatillu oqaloqatigiissutigalugit.

Ilanngullugit atuakkit GrønlandsBANKENip Rambøll Grønlandillu siunnersuusiaat, qanoq iliornikkut nukissanik atuinikinnerulersinnaasutit.

Attaveqarfissat assingusut

• Nukissiorfiit
• Elsparefonden
• Rambøll
• Klimakompasset