MitID Netbankimik aamma Sullissivik.gl-mik (pisortanut saaffiginnittarfik) atuinermi isumannaallisaataavoq tamatigoortuullunilu.
MitID-mut atuupput atuisutut id, isissutissaq aamma ataasiartumik atugassatut kode, kodeviserimiittoq. App-eq akuersilernermi aamma atorneqarsinnaavoq.
Aamma sumiikkaluaruilluunniit MitID atorlugu Netbankimut isersinnaavutit – qarasaasiarlu internetimut attavilik sunaluunniit atorlugu.
MitID-mut tunngatillugu ileqqut pitsaasut
MitID-mi paasissutissat allannissaasa qulakkeernissaat eqqaamassavat
Sumi paasissutissanik allassanerlutit ajornanngitsumik takusinnaavat:
- Quppernerup qulaa takuuk, MitID-miinnerlutit takuniarlugu.
- URL-ip naggataani ’mitid.dk’ tamatigut allassimasassaaq. Assersuutigalugu borger.mitid.dk imaluunniit minbank.mitid.dk
Taamaaliornikkut nittartakkamut ilumoortuunngitsumut isernissat pinaveersaassavat.
Akuerinialikkannut eqqortumik iliuuseqalernerlutit qulakkeeruk
Assersuutigalugu isileruit aningaasanilluunniit nuussileruit aalajangersimasumik iliuuseqarnissannik akuerseqqullutit aperineqassaatit.
- Sumi iliuuseqalernersutit allassimajuaannassaaq.
- Suna akuerilernerit tamatigut allassimasassaaq. Assersuutigalugu Borger.dk-mut iserit imaluunniit minbank.dk-mi aningaasanik nuussigit.
Allassimasut iliuuserilikkannut naapertuutinngippat ingerlaannaq unitsissavat MitID supportilu attavigalugu.
MitID-mi ilungersunartumik pisoqartillugu nalunaarutisisarit
Ilungersunartumik pisoqartillugu MitID-mit nalunaarutisiumaarputit. Assersuutigalugu ilungersunartumik pisoqartillugu kodet isissutit allanngortittariaqalersinnaavat inuttulluunniit MitID matusariaqalersinnaavat.
Inuttut MitID-taaruit qanoq nalunaarutisisassanerlutit - assersuutigalugu MitID appikkut, SMS-ikkut e-mailikkulluunniit tigusisassanerlutit toqqaassaatit. Marlunnik toqqaanissat pingaaruteqarpoq - taamaaliornikkut assersuutigalugu mobiilit tillinneqarpat nalunaarutisisassaatit.
MitID.dk.mut iserlutit qanoq nalunaarutisisassanerlutit tamatigut allanngortittuaannarsinnaavat.