Kortimik akiliutinnik qanoq maalaarutiliussaanga?
Kontonniit kortimik akiliutaasimasut ilisarinngisatit akuerisimanngisatilluunniit naammattoorukkit maalaarutiliorsinnaavutit. Assersuutigalugu kontonniit nuussineq akuerisarinngikkukku, akuerisanniit annertussusai amerlaneruppata nioqqutissamilluunniit pisisimaguit tigunikuunagulu taava maalaarutiliorsinnaavutit. Maalaarutiliorneq pillugu paasisaqarnerugit imaluunniit innersuussissut toorlugu maalaarutiliorit.
Kviklånimut qinnuteqaruma susoqassava?
Kviklånimut qinnuteqaatit ingerlaavartumik suliarisarpagut. Qinnuteqaatit akuerineqarpat annertussusai toqqaannaq kontonnut ikineqassapput. Qinnuteqaatit akuerineqanngippat immikkut allagarsissutigissanngilat.
3D Secure sunaava qanorlu ingerlasarpa?
3D Secure nittartakkakkut niuernermi sillimaniarnikkut aaqqiineruvoq, akiliiniarnermi saniatigut uppernarsaaqqissutaasoq. Nuussilernermi SMS-kode imaluunniit MitID atorlugu akuerseqqaassaatit.
Imatut 3D Securetaassaatit
Browserinni www.nets.eu ammaruk
”Løsninger” tooriarlugu ”Digital sikkerhed” tooruk
”Tilmeld mobilnummer og kodeord til dit kort” tooruk
”Næste” tooriarlugu kortnormu allaguk uppernarsarlugulu
Akuersissummik tuniseriarlutit MitIDmik uppernarsaruk
Mobilnormu allatsinnagu kodelioqqaarit, landekode 45-minngaanniit 299-nngortinnissaa eqqaamallugu ”Bekræft”lu toorlugu
Niuernerup annertussusissaa naatsorsuutigisaq qanoq immersussavara?
Immersugassat ataanni niuernerup annertussusissaa naatsorsuutigisaq immersornissaanut najoqqutassiaq uaniippoq. Apeqqutissaqaruit kundeservicerput attavigisinnaavat.
Qanoq netbankitaassaanga?
Aningaaserivik attavigineratigut netbankitaarsinnaavutit imaluunniit una immersugassaq immersorulu. Una tooruk.
Qanoq atuisunngussaanga kontotaarlungalu?
Sullitat nutaat kundeservicetta attavigineratigut kontotaarsinnaapput. Kinaassutsimut uppernarsaatit atuuttut kiisalu isertitannut uppernarsaataasinnaasut nassassavatit. Kinaassutsimut uppernarsaatinut paasissutissat uani takukkit.
Nunap sumiiffiani qularnaarinninneq (Geografisk sikkerhed)
Mastercardinnut nunap sumiiffiani qularnaarinninneq inissinneqarsinnaavoq, taamaasinikkut peqquserluttut annikillisarneqarsinnaapput kortivillu atornerlunneqarnissaanut illersorsinnaallugu.
- Netbankinnut iserit
- ”Kontot aamma akiliutit/akiliissutit”-ni akiliutit/akiliissutit tooruk
- Nunap sumiiffiani qularnaarinninneq mastercardinut tamanut atalersinneqarsinnaavoq, debit aamma kreditkortit. Korti allanngortikkusutanni ”innersuussissut” nunap sumiiffiani qularnaarinninneq tooruk.
- Uani takutinneqarput: Regioner/Nunap ilaa aamma Kategorier/Suussuseq.
”Regioner/Nunap ilaa” ataani takusinnaavat kortit nunarsuup ilaani sumi atorsinnaanersoq.
Innersuussissut toorlugu nunarsuup ilaa assigiinngitsut region/nunap ilaa sumut atanersut takusinnaavatit. Uani region/nunap ilaa aalajangersimasoq ammarlugulu matusinnaavat, aamma periarfissaavoq aalajangersimasumik piffissalernissaa.
Kategorier/Suussuseq ataani assersuutigalugu Internet ammarlugulu qamissinnaavat.