Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Indholdsbillede Bounty Strand 750X300

GrønlandsBANKENip angalanissamut siunnersuutai pitsaasut

Ilisarisinnaalluarunarpat: Aniartornerni kuffertivit singissartua aserorpoq, taxallu tamarmik atorneqarlutik. Feeriami angalaniarluni sorpassuit puullaaqissutaasinnaapput. Taamaammat GrønlandsBANKENip feeriarnerni nammineerlutit iliuuserisinnaasarnik tallimanik siunnersuutitsialannik tunerusuppaatit isumakuluuteqarnak feeriarsinnaaniassagavit. 

1. Uppernarsaatit eqqaamakkit

Nunarsuarmi sumiluunniit angalangaluaruit pingaaruteqarpoq najugaqarnermut uppernarsaativit nassarnissaa. Taamasiunngikkuit nunami allami nakorsiaruit nakorsaaserneqarlutillu, taakku ilivitsumik akilertariaqalersinnaagakkit.

Najugaqarnermut uppernarsaat illoqarfigisarni innuttaasunut sullissivimmut, nunaqarfimmiluunniit allattoqarfimmut aasinnaavat imaluunniit nittartakkami www.sullissivik.gl. Tassani aamma Kalaallit Nunaata avataani napparsimalernermi ikiorneqarneq pillugu paasissutissat amerlanerusut atuarsinnaavatit.

2. Angalanissamut sillimmasiineq eqqaamajuk

Feeriarlutit angalanerni ajutuussaguit aamma iluassaaq angalanissarnut sillimmasereersimaguit. Apeqqutaalluni qanoq sillimmasersimaneq, sillimmasernermi ilaakkajuttarput nakorsamit ikiorneqarneq, angerlamut assartuunneqarneq, pisattat kinguaattoornerani taartisiaqarneq, biilillu attartukkap killilimmik sillimmasernera.

MasterCard Guld atorlugu Kalaallit Nunaanni angalanermut akikinnerpaamik sillimmasersinnaavutit, tassanimi kortimi sillimmaasiinerit arlallit ilaareerput, ullut 60-it tikillugit nammineq suliffimmiilluunniit angalanerni atuuttumik. Sillimasernerpit atuunnissaanut angalanerit kreditkortimik akilersimasariaqanngilaq. MasterCard Guldimik piginnittup saniatigut aapparisamut, meeqqanullu 21-it ataallugit ukiulinnut angalaqatigisanut sillimmasiinerit atuuppoq.

3. Korti akiliutissat aapperuk

Neriniartarfimmiikkuit MasterCardimillu akiliisinnaanak qanoq iliussavit? Namminerluunniit aningaasanik tigusisarfiup VISAmik akiliutit iippagu? Nunami allami feeriaruit kreditkortimik ataasiinnanngitsumik, nunani assigiinngitsuni atorsinnaasunik kaasarfimmioqarnissat pisariaqalersinnaavoq.

Atuisutut siunnersortit oqaloqatigiuk paasiniarlugu, akiliutaasartoq sorleq illerpiaq pisariaqartitarnut tulluarnersoq.

4. Atuisutut siunnersortit attavigiuk

Feeriami angalanissat pilersaarutigigukku atuisutut siunnersortivit attaviginissaa pissutissaqarluarpoq. Assersuutigalugu isumassarsiatsialaavoq siunnersortit nalunaarfigigukku, nunami allamiinnerni nalinginnaanngitsumik aningaasanik tigusisassallutit akiliisassallutilluunniit. Taamaasilluni siunnersortivit, kontovit ingerlanera allanngorpat peqquserluttoqarsorissanngilaa.

Taamaattumik eqqaamajuk siunnersortivit attaviginissamut paasissutissat kufferternut ikissagakkit, ikiorneqarnissarnik pisariaqartitsilissaguit aningaaserivik attaveqarfigiuaannarsinnaajumallugu. Eqqaamajuttaaq Mobilbank downloadissagakka – taannami app-eq aqqutigalugu sukkasuumik kortit annaassagaluarukku matutissinnaagakku.

5. Siusinaarlutit nunap allap aningaasaataanik pisigit

Nunamut allamukassaguit akiliinermi aningaasat pisariaqartilersinnaavatit, immaqa timmisartoqarfimmi aviisimut hoteliliarnerniluunniit taxamut. Assersuutigalugu aasaq kingulleq Grækenlandip aningaasaqarnera nalorninartorsiorfiugaarmat, kredikorti pisiniarfinni atorneqarsinnaanersoq nalornissutigineqalerpoq.

Taamaammat GrønlandsBANKENip innersuussutigaa kortivit saniatigut aggorsimasunik amerlanngitsunik nassarnissat. Aallannginnerni nunap allap aningaasaataanik piareeqqasoqarnissaa isumannaarusukkukku, ullut 14-inik sioqqullugu qinnuteqassaatit. Ajornanngitsumik taamaasiorsinnaavutit www.banken.gl aqqutigalugu illoqarfigisavilluunniit immikkoortortaqarfiatigut.