Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Aningaasaliineq

Aningaasaliineq - eqqarsarluarnikkut

Nammineerlutit aktianik obligationinillu pisisarpit - imaluunniit investeringsforeningsbevis-inik piumaneruit?   (Immaqa) aktianik niuernikkut eqquinasuarusunneruit, imaluunniit isumannaatsumik ingerlatsinissat kissaatigineruiuk?

Sorlerluunniit piumanerugaluarukku uagut anigaasaliinermut siunnersuisartugut illit pitsaanerpaamik siunnersornissannut ilinniarsimasuupput. Siullermeerlutit aningaasaliinialeruit tamanna nalinginnaasumik marluulluni naapeqatigiinnikkut pisarpoq. Ataatsimiinnermi illit iluanaaruteqarsinnaaneq pillugu ilimagisatit illillu qanoq sapiiserumatigisinnaanerit qulaajaaffigissavagut. Oqaloqatigiinneq tunngavigalugu illit aningaasaliissutissatit qanoq katitersinnaaneritit siunnersuusiussaagut.
Tamatuma kingorna illit aningaasaliinermut siunnersuisartorput suleqatigalugu niuersinnaassaatit, imaluunniit nammineerlutit Netbank atorlugu niuersinnaavutit.

Netbank-erput aqqutigalugu pappiaranik aningaasanik nalilinnik niuerneq

Aktiat, obligationit aamma investeringsforeningsbevis-it niuerutigineqarsinnaapput. Pappiarat sorliit illit massakkorpiaq niuerutigerusunneritit apeqqutaalluni ingerlaannartumik niuernissamut imaluunniit niuerniarnissamut periarfissaqartarpoq. Niuerniarniarneruit tamanna  piaarnerpamik piviusunngortinniarneqassaaq. Niuerniarnermili aamma apeqqutaassaaq, niuerfimmi pappiaramik taassuminnga pisiarinnikkumasoqarlunilu/tuniniaasoqarnissaa.

Niuerniarniaruit aamma ilanngullugu aningaasat illit tuniniaaninni pisiniarninniluunniit atorniakkavit nalingisa qummut killissaannik aalajangiinissannut periarfissaqassatit. Tamanna limineret handel-imik taaneqartarpoq, tamannalu aatsaat aningaasat nalingi illit aalajangersimasatit malinneqarpata  piviusunngorsinnaassaaq.  Niuerniut liminer-igaq piffissami killilimmi atuuttarpoq, aningaasallu nalingat taaneqarsimasoq ulloq taaneqarsimasoq nallertinnagu anguneqarsimanngippat taava illit niuerniutit atuukkumnnaassaaq.

Pappiaranik aningaasanik nalilinnik Danmarkimeersunik tunisaqarnermi pisinermiluunniit tamatigut ullut aningaaserivimmi suliffiit marluk qaangiukkaangata aatsaat niuerneq naammassivissortarpoq. Niuerneq naammassippat tamatigut fondsafregning-imik tunineqartassaatit, taakkulu illit niuernermi piumasaqaatitut allattorsimasannut naapertuunnersut misissorluartarnissaat ilinnut pingaartuuvoq.

Niuernerup ulluni marlunni ingerlanneqartarnissaa imatut paasineqassaaq, aalajangerninniit ullut aningaaserivimmi suliffiusut marluk qaangiuppata aatsaat aningaasat illit kontonnut ikineqassapput/ilanngaatigineqassapput.

Aningaasaliissutinik akileraarusiineq

Kalaallit Nunaanni isertitanik akileraarusiisarnermi inatsit pingaarneq tassaavoq, iluanaarutit annaasalluunniit, akileraartartup pigisaanut attuumassutillit isertitanik naatsorsuinermut attuumassuteqanngitsut pigisanut akileraartartup inuussutissarsiutaanik tunisaqarnikkut iluanaarniuteqarnikkulluunniit iluanaarutinut annaasanuulluunniit attuumassuteqarsimanngikkunik.

Tamanna pingaarnerusutigut isumaqarpoq, inuinnaat pappiaranik aningaasanik nalilinnik nioqquteqarnermi aningaasat naligisigut iluanaarutitik akileraaruteqaatigisassanngikkaat, aningaasat nalingisigut iluanaarutit aningaasaatinik ataavartumik aaqqissuussinikkut pissarsiarineqarsimappata,. Paarlattuanillu aningaasat nalingisigut annaasat akileraartaatissatut isertitaniit ilanngaatigineqarsinnaangillat.

Pappiaranut aningaasanik nalilinnut

Netbank aqqutigalugu pappilissanik nalilinnik niuernissamut nalunaarit:

» Paasisassat allat