Cookies

Uuma nittartakkap cookies atorpaa atuisunut piuminarneruniassammat kisitsisillu atorlugit nassiuaatinut katersilluarnarnerummat. Cookiesit peeqqaarnagit Banken.gl iserfigigukku cookiesinik atuinerput akuerisimassavat. Cookiesit pillugit annertunerusumik atuarit qanorlu illit browserinnut anngutinnginnissaat paasisaqarfigalugu.

70 1234

Nassaarisigut


Illoqarfiup sulisulluunniit aqqanik ujaasigit.

Ikiortissamik nassaarit

> Netbank fjernsupport

> Akiliissummik mattussaanerit

> Imminut sullinneq

> Netbank pillugu

> Isumannaallisaaneq

> Akigititat piumasaqaatillu

Ammasarfiit

Ataas. - Sis.
kl. 9.30 - 15.30
Tallimanngorneq
kl. 9.30 - 15.00

Aningaasaliinermi aningaasartuutit paasikkit

Sullitagut pappialanik aningaasanik nalilinnik aningaasaliisut tamakkerlutik, marsip qaammataani ukiumoortumik aningaasaliinermi aningaasartuutit pillugit nalunaarsuutinik nassinneqarsimapput. 2018-imut nalunaarsuutit, ukiup ingerlanerani aningaasartuutit akilerneqarsimasut tamakkerlugit, ataatsimut isiginninnermik imaqarput.

Quppernermi tassani, nalunaarsuutit aamma aningaasartuutit suussusaat ataasiakkaat ilanngussami ilaasut pillugit suli atuarsinnaavutit, aamma apeqqutinut nalinginnaanerpaanut akissutit nassaarisinnaavatit.

Sooq nalunaarsuummik taamaattumik nassippisinga?

■ Nalunaarsuut ilinnut nassiupparput, pissutigalugu sammisaqarfimmi (Midfid II) nutaamik inatsisiliortoqarsimammat, ima aalajangersaasumik, aningaasartuutit aningaasaliininnut attuumassuteqartut pillugit ataatsimut naatsorsuutinik nassiussissasugut.

 Taava aningaasaliinermi aningaasartuutit tamarmik nalunaarsuummi ilaappat?

■ Aap, anguniarsimavarput aningaasaliinermi aningaasartuutit tamakkerlutik nalunaarsuummut ilanngunnissaat.

Aningaasartuutit suussusaat assigiinngitsut sunik nassuiaatissaqarpat?

■ Imarisai pillugit nassuiaasiorsimavugut, nittartakkami uani takusinnaasannik.

Aningaasartuutinut ilanngussaq paasinngilara. Qanoq iliussaanga?

■ Aningaasartuutit pillugit suli paasissutissanik pisariaqartitsiguit, qinnuigineqarputit siunnersortit attaveqarfigeqqullugu. Sullitanut kiffartuussivimmut aamma sianersinnaavutit uunga xxxxxxxx

Nalornivunga, aningaasaliinermi siunnersuut sorleq eqqortoq qinersimanerlugu. Qanoq iliussaanga?

■ Anguniarparput aningaasaliinermi siunnersuut, ilinnut aamma illit salliutitannut aningaasaliinermi pitsaanerpaaq innersuussissutigissallugu. Kissaatigigukku illit aningaasaliissutivit nassuiarneqarnissaat, qinnuigineqarputit siunnersorit atassuteqarfigissagit.

Aningaasartuutinut nalunaarsuutit pillugit, arlaanik immikkut maluginiagaqassaanga?

■ Nalinginnaasumik pissutsit tulliuttut, maluginiassavatit:
▫Ataatsimoorussamik pappialannut aningaasanik nalilinnut toqqorsiveqaruit, s. i. aapparisat peqatigalugu, taava tamassi immikkut aningaasartuutinut ilanngussamik tigusaqarsimassaasi. Tamanna aningaasartuutit marloriarlutik akilerneqarsimaneranik, soorunami isumaqanngilaq. Taamaattoq malugiuk, teknikikkut peqquteqartumik periarfissaqarsimammat, pingaarnertut toqqorsivimmik pigisaqartup niuernikkut aningaasartuutaasa ersersinneqarnissaat.
▫Pappialannut aningaasanik nalilinnut aningaasartuutit naatsorsorneqarneri aningaasartuutinut akiligassat qaffasissusaat tunngavigineqarsimavoq, taanna pappialannik aningaasanik nalilinnik atulersitsisumit saqqummersinneqarsimavoq. Pappialannik aningaasanik nalilinnik atulersitsisumit paasissutissat amigaateqarpata imaluunniit eqqortuunngippata, taava aningaaserivik pappialannut aningaasanik nalilinnut aningaasartuutit eqqortumik naatsorsussallugit periarfissaqanngilaq.

Ilissinni, pappialannut aningaasanik nalilinnut arlalinnik toqqorsiveqarpunga. Sooq toqqorsivinnut ataasiakkaanut nalunaarsuutit takusinnaanngilakka?

■ Inatsisit isumannaarpaat, illit aningaasaliinermi aningaasartuutitit tamakkerlugit ataatsimut isiginneqarsinnaaneri. Anguniarsimavarput aningaasartuutit tamakkerlugit ilanngussamiitinnissaat, kisianni 2018-imi toqqorsivinnut ataasiakkaanut immikkut nalunaarsuusiornissaq teknikikkut periarfissaqarsimanngilaq,.

Qaqugu aningaasartuutit akilerneqassappat?

■ Aningaasartuutit tamakkerlutik, ilanngussami takuneqarsinnaasut akilerneqareerput. 2018-ip ingerlanerani pappialannik aningaasanik nalilinnik niuersimaninnut, aningaasat illit kontunnit tiguneqarsimaneranut, imaluunniit aningaasaliisartoqatigiiffiit, aningaasaliiffigisatit, pissarsiassatit naatsorsunnginnerini aningaasartuutit akiliisimaneranut atatillugu.

Sooq aningaasartuutit ukiumoortumik kiffartuussissutit pillugit nalunaarsuutinniittunit allaaneruppat?

■ Ukiumoortumik kiffartuussisutit pillugit nalunaarsuutit aamma aningaasaliinermi aningaasartuutinut nalunaarsuutit ataatsimoorfippassuaqarput, kisianni imaaliallaannaq naleqqiunneqarsinnaanngillat. Nalunaarsuutit taakku marluk aningaasartuutit assigiinngitsut ilaat ilannguttarpaat aamma aningaasartuutit killiffinni assigiinngitsuni naatsorsorneqartarput, ilaatigut malittarisassat nalunaarsuutinut tunngaviusut assigiinnginneri pissutigalugit.