Netbank

Netbank aqqutigalugu angerlarsimaffinnit aningaaserivimmi isumagisassatit amerlasuut isumagisinnaavatit. Taamaallaat piumasaqaataavoq internet-imut attaveqarnissat.

Akiligassavit amerlanersai Netbank aqqutigalugu isumagisinnaavatit. Tamakkununnga ilaapput nammineq kontoit akornanni nuussinerit, aningaaserivinni allani kontonut nuussinerit imaluunniit kortinik akiliiffissanik akiliinerit (Fi/giro-kort).

Kontoni ataasiakkaani inissiinerit takusinnaavatit nalunaarfiginninnerillu ilanngullugit kiisalu ujarliiut atorlugu inissiinerit aalajangersimasut ajornaatsumik nassaarisinnaallugit. Taamaaliornikkut kontotit pilertortumik paasisinnaavatit.