Grønlandsbankenimi pappialanik nalilinnik niueruteqarnermi Danmark assigalugu aningaasaliisutut illersorneqassaatit. Taamaaliortarpugut, pappialanik nalilinnik niuernerninni aningaasaliisutut illersugaaneq pitsaanerpaaq ilinnut tunniunniarlugu.

 

Naatsumik oqaatigalugu tamanna isumaqarpoq:

Pisisartut immikkoortuanni ’detail’-imiipputit

Tamanna isumaqarpoq, aningaasaliisunut illersuinermut qaffasinnerpaamut ilaasutit.

 

Pappialanik nalilinnik niuerninni, aningaasaliinermi profilimi isumaqatigiissut aallaavigalugu pisassaaq

Tamanna pisarpoq qulakkeerniarlugu, siunnersuinitsinni aningaasaqarninnik tamakkiisumik isigisinnaanissarput, aningaasaliinermik siunertat, aarlerinaat qanoq annertutigisoq perusunnerit kiisalu pappialanut nalilinnut ilisimasaqassutsinnik naliliineq. Taamaasilluta eqqorluarnerusumik siunnersorsinnaavatsigit.

 

Naapertuilluassutsimik naliliineq aamma ’execution only’

Nioqqutinik katitigaanerusunik niuernitit naapertuilluartuunersut aningaasaliinermi profilit aallaavigalugu nalilersortassavagut. Illit detailimik pisisartutut niuernitit ’execution only’ toqqarneratigut naammassiuaannarsinnaavatit. Pisumi tassani, nammineq kissaatigisannik, niuernermi pineqartumi siunnersorneqarnissaq piumanngilat.

Aningaaseriviup ataasiarluni nalilersimappagu, nioqqut ilinnut tulluartuusoq, aningaaseriviup aallaavittut niuernerit tulliini nioqqutip naapertuilluassusaa nalilersortassanngilaa.

 

Uatsinnit paasissutissat

Aningaaserivik ersarissumik najoqqutassaqassaaq, aningaaseriviup sullitaanik aningaasaliisunik illersuineq pillugu malittarisassanik qanoq eqqortitsinersugut. Najoqqutassat allagaatini arlalinni, ataani nassaarisinnaasanni nassuiarneqarput. Aningaaseriviup sullitaanut aningaasaliisunut illersuinermi siunissami allannguinerit aamma matumani nassaarisinnaavatit.

Attavigitigut

Takorluukkatit annertunerpaat piviusunngortinnissaannut, inuunermi naatsorsuutiginngisamik aqqusaagassat isumaginissaannut, taakkulu akornanni suut tamaasa pillugit ikiussavatsigit.