Kalaallit Nunaanni isertitanik akileraarutit pillugit inatsimmi malittarisassaq pingaarneq tassaavoq, akileraartussaatitaasup pigisaanit tunisinermit, iluanaarutit imaluunniit annaasaqaatit, isertitanut naatsorsuutinut attuumassuteqanngimmata, imaanngippat akileraartussaatitaasup inussutissarsiornerani imaluunniit iluanaarniuteqarnermik siunertaqarnerani pisiarineqartunik, pigisanik iluanaarutit imaluunniit annaasaqaatit pineqarpata.
Tamanna pingaarnertut malittarisassatut isumaqarpoq, inuinnaat pappialanik nalilinnik tunisinermi iluanaarutinit akileraartussaanngimmata, iluanaarutit ingerlaavartumik aningaasaatinik isumaginninnermut atatillugu pissarsiarineqarsimappata. Pappialamili nalilinni annaasaqaatit akileraartussaatitaanermi isertitanit ilanngaatigineqarsinnaanngillat. Pappialanik nalilinnik aningaasaliinermut atatillugu ernianit isertitat aamma iluanaarutit tamarmik akileraarutaasussaapput.
Kalaallit Nunaanni akileraartarnermut inatsisit pillugit apeqqutissaqaruit, attaviginissatsinnut tikilluaqqusaangaarputit.
Aningaasaliisarnermi peqatigiiffinni katersuiffiusuni iluanaarutinik Kalaallit Nunaanni akileraarusiisarneq pillugu uani paasisaqarnerusinnaavutit. Malugiuk, nassuiaat aningaasaliinermi uppernarsaatinut taamaallaat atuummat.
Kalaallit Nunaanni aningaasaliinermi akileraarusiineq
Inuussutissarsiutilinnut ingerlatsivinnullu
Suliffeqarfiit ingerlatsiviillu Kalaallit Nunaanni akileraartussaatitaasut aningaasaliinermininngaanniit iluanaarutit piviusut akileraaruserneqassapput - matuma ataani aningaasaliisartut peqatigiiffiit katersukkat.
- Iluanaarutit isertitatut nalinginnaasutut akileraaruserneqassapput
- Annaasaqaatit isertitat akileraaruteqaataasussanit ilanngaatigineqassapput
Taava aningaasaliineq suliffeqarfiup aningaasaliissutinut ingerlatsineranut peqataalissaaq, aarlerinartut iluanaarutillu suliat aqqutigalugit aqunneqarsinnaalerlutik.
Inuinnartut aningaasaliisunut
Inuinnartut aningaasaliisartut peqatigiiffiit katersukkanit iluanaarutit akileraaruserneqassanngillat, aningaasaliineq aningaasannanniarnerminngaanniinngippat næringsvirskomhediminngaanniinngippallu
- Nalittorneratigut iluanaarutit akileraarusigassaanngillat
- Nalikillineratigut annaasat ilanngaanneqarsinnaanngillat aningaasanik iluanaarniarsarisorineqanngikkuit
- Kalaallit Nunaanniit nuuttut atorunnaarsitsinermut akileraartinneqassapput
Akileraarutinit iluanaarutit utimullu ujaasineq
GrønlandsBANKEN suliffeqarfiuvoq Kalaallit Nunaanniittoq, taamaattumik kalaallit nunaanni Inatsisartut inatsisiliaat malillugit akileraartartussaalluni.
Inatsit §86 malillugu GrønlandsBANKEN pisussaavoq iluanaarutinik agguaanermi akileraaruteqarnissaa. Sermersuup Kommuniata aalajangertarpaa ukiumi iluanaarfiusumi akileraarutip qanoq annertutiginissaa.
Iluanaarutinillu agguaasarnerup akileraarutaa inaarutaasumik akileraarutaavoq
Iluanaarutip akileraarutaa taamaallaat utertinneqarsinnaavoq Inatsit §3 tunngavigalugu, tassa akileraartussaanngikkaanni imaluunniit nunami Kalaallit Nunaata marloriaammik akileraaruteqartitaanermik isumaqatigiissuteqarfigisaani najugaqaraanni.
Nunami allami najugaqaruit marloriaammik akileraartussaatitaanerit Kalaallit Nunaanni Akileraartarnermut Aqutsisoqarfimmut saaffiginnissutigissavat. Taamatullu GrønlandsBANKEN-imi iluanaarutitut agguagarsiavit takussutissartaa ilanngutissavat akileraarutaasimasoq nunami najugarisavit akileraarnermut malittarisassai malillugit utertissagukku.
Akileraartarnermut Aqutsisoqarfik attavigisinnaavat tax@nanoq.gl amma 34 50 00.
Kalaallit Nunaat Qallunaat Nunaannut nunanulluunniit allanut nalinginnaasumik marloqiusamik akileraarusiinermut isumaqatigiissuteqanngilaq. Tamanna isumaqarpoq:
- Nunanut allanut aningaasaliinermi iluanaarutinut nunani allani isertitanit akileraaqquneqarsinnaapput
- Nuna pineqartumi malittarisassat apeqqutaatillugit - Ilaatigut nunani allani akileraarutinit iluanaarutinut akiliutit utertinnissaanut qinnutigineqarsinnaapput
Nunani allani aningaasaateqarfinnut piginneqataassutinullu aningaasaliitinnat siunnersortinnik isumasioqateqaqqaarnissat unnersuussutigaarput.
Siunnersussavatsigit
GrønlandsBANKENimi aningaasaliinermut iluarsisiissutit akisussaassuseqartut piujuartitsisullu ilinnut neqeroorutigissallugit Sparinvest kiisalu BankInvest suleqatigivagut – iluanaarutit akileraartarnikkullu pissutsit ataqqillugit.