Aningaasaatitit sulitikkit
Aningaasaativit, kontonni uninngatiinnarnagit iliuuseqarneruniaruit aningaasaliissutiginissai isumassarsiatsialaasinnaavoq. Tatuma isumaliutersuutiginissaanut pissutissaqqissut aaku pingasut:
-
Iluanaaruteqarnissamut periarfissaq
-
Aningaasat naleerukkiartornerannut illersugaaneq
-
Ernialersuinermit appasissumit imaluunniit piunngitsumit toqqagassaq pitsaanerusoq
Akisussaassuseqartumik aningaasaliinerit
GrønlandsBANKEN-imi piujuartitsineq pingaartilluinnarparput. FN-ip nunarsuarmi anguniagai sulissutigaagut, kiisalu avatangiisinut aamma inoqatinut aningaasaliinerit akisussaassuseqartut neqeroorutigaagut – iluanaarutit akiginagit.
Suleqatigiinneq ilinnut iluaqutaasoq
Professionalimik siunnersorniarlutit, nunarsuaq tamakkerlugu niuerfinnut ammaanniarlutit kiisalu aningaasaliinivit siammasissumik siaruarternissaa pillugit Sparinvest aamma Bankinvest suleqatigaagut.
Ullumikkut attavigitigut
Ilinnut tulluartumik aningaasaliinermi aaqqiissummik nassaarnissamut ikiorsinnaavatsigit.
Aningaasaliinissamut pissutissat pitsaasut
- Iluanaaruteqarnissamut pitsaanerusumik periarfissaqassaatit
Oqaluttuarisaaneq eqqarsaatigalugu aktianut pappialanullu aningaasanut nalilinnut (obligationit) aningaasaliineq iluanaarutaasarsimavoq. Qulaani titartagaliussami ass. takuneqarsinnaavoq Bankinvestimit akunnattumik aarlerinaatitalimmik aningaasaliineq, piffissami 100 %-imik iluanaaruteqartitsisimasoq.
Innersuussutigisarparput aktianut aamma pappialanut aningaasanut nalilinnut katiterilluni aningaasaliisoqassasoq – kiisalu annertoorujussuarmik aarlerinaatinik siammarterisoqassasoq. Pingaaruteqarluinnarporli aningaasaliinissamut aaqqiissut illit aningaasaqarninnut annaasaqarsinnaanermut piareersimaninnut naleqqussarneqassasoq. Innersuussutigaarput, annaasaqarsinnaanermut piareersimanerit aningaasaliinermut siunnersortit peqatigalugu oqallisigineqassasoq.
2. Ileqqaakkatit aningaasat naleerukkiartornerannut illersorsinnaavatit
Ileqqaakkat piffissap ingerlanerani naleerukkiartussapput, tamanna titartagaliussap naqqani takuneqarsinnaavoq. Aningaasat naleerukkiartornerat ileqqaakkannut sunniuteqassaaq, aningaasaliiguit aningaasaliinngikkuilluunniit. Ileqqaakkatilli pappialanut nalilinnut aningaasaliissutiginerisigut, imminut periarfississaatit aningaasat naleerukkiartornerannit annertunerusumik iluanaaruteqarnissamut.