Sillimmasiinertigoortumik pisartakkat
Suliffeqarfeqarfimmit suliffinnut atatillugu soraarnerussutisiassaqaruit, arlalitsigut inuuneq naallugu sillimmasiinertigoortumik pisartagaqassaatit. Sillimmasiinertigoortumik pisartakkanut akiliutit akissarsiannit ilanngaatigineqartarput, akileraarutip naatsorsorneqannginnerani, tamanna inuttut isertitannut automatiskimik akileraarutitigut ilanngaateqartitsivoq.
Sillimmasiinertigoortumik pisartakkat soraarninngornermit akilersorneqalertarput, inuunerullu sinnera ingerlasarlutik. Kommunimit utoqqalinersianut ilassutitut qaammammut ingerlaavartumik isertitaqarnissat qulakkiissavaa. Aningaasat qanoq annertutiginerannut apeqqutaavoq, qanoq amerlatigisunik qanorlu sivisutigisumik ikisisarsimanersutit.
Tigusinermi akileraarneq
Sillimmasiinertigoortumik pisartakkat akilerneqarnerini, isertitatut nalinginnaasutut akileraarusersorneqartarput. Ingerlatseqatigiiffiup, aningaasanik akiliisup, akileraarutit naatsorsornissaat isumagissavaa, taamaasillutit aningaasat sinneruttut toqqaannartumik kontonni tigussavatit.
Piffissaanngitsumi tigusineq
Piffissaq sioqqullugu Qimatut pension atorunnaarsikkukku, katillugit aningaasat 55 %-iannik akitsuummik akiliissaatit. Sulisitsisut soraarnerussutisianut tapiissuteqarsimappat, tamanna aamma sulisitsisup akuersissuteqarnissaanut piumasaqaatitaqarpoq. Isumassarsiatsialaassaaq inissisimanerit pillugu oqaloqatigigutsigut – amerlanertigut aaqqiissummik pitsaanerujussuarmik nassaarsinnaasarpugut, Qimatut pension piffissaq sioqqullugu tiguneranit.
Sillimmasiinertigoortumik pisartakkat imaluunniit soraarnerussutisiat naafferartumik tigusartakkat?
Innersuussutigineqarpoq, soraarnerussutisiannut ileqqaakkavit ilaat sillimmasiinertigoortumik pisartakkatut akilerneqassasoq, inuunerpit sinnerani isertitaqarnissat qulakkeerniarlugu. Aamma inuppassuit aalajangertarpaat soraarninngornermit ukiuni 10-15-ini siullerni tigusartakkat qaffasinnerutissallugit, angalanissaq imaluunniit pigisat nalillit annertunerusut soorlu umiatsiaq imaluunniit illu paariinnarnissai siunertaralugit.
Minnerpaamik ukiut 10-t ingerlanerini sillimmasiinertigoortumik pisartakkat aamma soraarnerussutisiat naafferartumik tigusartakkat katitinnerat amerlanertigut aaqqiissut pitsaanerpaasarpoq. Illit pisariaqartitannut aningaasaqarninnullu aaqqiissutip tulluartup ujartornissaanut ikiussavatsigit.
Soraarnerussutisiaqalernissamut aaqqissuussinermut peqataasussaatitaanermut akiliinikippallaaruit
Aggustimi Akileraartarnermut Aqutsisoqarfimmit inaarutaasumik naatsorsuutit tigugukkit, qupperneq 5 aamma 6-imi takusinnaavat, soraarnerussutisiaqalernissamut aaqqissuussinermut peqataasussaatitaanermut naammattunik akiliisimanerlutit. Akiliinikippallaarsimaguit, attavigisinnaavatsigut paasissutissiissutigalugulu, qanoq annertutigisumik akiliissanerlutit, kontomillu sorlermit aningaasat nusunneqassanersut. Nuussinissaq isumagissavarput uppernarsaammillu nassissavatsigit, Akileraartarnermut Aqutsisoqarfimmut ingerlateqqissinnaasannik.