Nappaatip perulussutaasup suna tamaat allanngorsinnaavaa – aningaasaqarninnulli uppisitsisariaqanngilaq. Nappaammmut perulussutaasumut sillimmateqaruit akileraarutitaqanngitsumik ataasiartumik pissarsissaatit, pingaarnerpaanut ukkatarinninnissannut kiffaanngissusiliisumik: katsorsartinnerit, ilaquttatit ulluinnatillu.
Kræfti, taqqakkut milikartoornerit aamma nappaatit perulussutaasut allat ukiut tamaasa inunnut tusindilippassuarnut eqquisarput. Qujanartumilli amerlasuut uumaannartarput, utimulli aqqut sivisusinnaavoq. Aningaasaqarnikkut toqqissisimallutit piffissaq pisariaqartitat atorsinnaavat – ernummateqarnak.
Ajortoqassagaluarpat naammattumik sillimmaseqqavit?
Grønlandsbankeniminngaanniit siunnersuutigisarparput ilaqutariit meerartallit ukuninnga sillimmaseqqanissaat: inuunermut sillimmat, nappaatinut perulunnartunut sillimmat, ajunaarsinnaanermut sillimmat, ilaqutariit sillimmasiutaat kiisalu illumi pigisanut aamma akisussaassuseqartutut sillimmat.
Taassumap saniatigut ukiumut ataasiaq sillimmatitit ajunnginnersut misissortarnissaa isumassarsiatsialaavoq, taamaalillutillu naammattumik sillimmaseqqanerlutit isumannaarlugu.