Najoqqutakkuminartoq tassaavoq akissarsiavit katillugit 15-20 %-iisa sipaarnissaat, aalajangersimasumik isertitaqarunnaaruit sapinngisamik pitsaanerpaamik isumannaatsuussaguit.
Sulisartunngoqqammerpit?
Soraarnerussutisiaqalernissamut sipaarluni aallartinnissamut siusinaarpallaartoqanngisaannarpoq, aammali ilisimavarput, sulisartuujunnaarsimalluni inuuneq takorlooruminaassinnaasoq, aatsaat aallarterlaajugaanni. Sulileruit, isumassarsiatsialaassaaq ataatsimeeqatiginissarput. Aningaasaqarnivit misissornissaanut, soraarnerussutisiassanullu akiliisarnissamut pilersaarusiornermi ikiorsinnaavatsigit. Aningaasat qaammammut, illuartittakkagassannut, amerlanertigut apeqqutaassapput ukiutit, sulisitsisup akiligaanik soraarnerussutisianut tapiissutitit kiisalu qaammammut aningaasat atoriaannaarusutatit. Immaqa aningaasanik ikinnerusunik akiliisarlutit aallartikkusupputit, ukiunilu arlalinni inuussutissarsiornermi misilittagaqalereeruit soraarnerussutisiassanut illuaanerulernissamut piareertutut misigiguit aningaasat annertuserusullugit.
Sulisartuuninni ukiut kingulliit ingerlappigit?
Sulisartutut ukiut kingulliit 10-20-t ingerlakkukkit, taava allanik soraarnerussutisiassavit ataqatigiissaarneranut aallartisagassaqarputit. Immaqa piffissanngorpoq aningaasat qaammammut illuartittakkat anenrtusinissaannut. Immaqa maannamut aningaasaliinermi sakkortuumik periuseqarsimavutit, maannali akunnattumik periuseqarnissamut appartitsisinnaallutit, sulisartuujunnaavinnginninni ileqqaakkavit eqqissisimasumik kisiannili qajannaatsumik ineriartornissaannut attassisinnaanngorlutit.
Grønlandsbanken-imi Qimatut inuinnarnut aamma Qimatut sulisitsisup aqutai soraarnerussutisiassanut ileqqaakkat neqeroorutigaagut.