Nanoq-konto iluanaarutaasunik erniaqartunik ileqqaagaqarnissamut periarfissiissaaq, illutaarnissamut, inuussutissarsiornermut imaluunniit ilinnialernissamut ileqqaarniaruit. Siunissavit qulakkeernissaanut atugassatsialaavoq.
Siunissami isumannaarinninnissamut periarfissaavoq pitsak. Ukiumut ikinnerpaamik 100 kr.-inik annerpaamillu 100.000 kr.-inik ikisinissat piumasaqaataavoq.
Ineqarnermut ileqqaakkat
- Nammineq inissamik sananeq imaluunniit pisineq (piginneqatigiilluni inissiat ilanngullugit)
- Attartornermut akileeqqaarutissat imaluunniit siumoortumik akiliutissat (annerpaamik qaammatini 3-ni ineqarnernermut akiliutit)
- Inimut allamut nuunnermi atortorissaarutinik, pequtinik imaluunniit natersuarnik pisineq (TV/Radio ilanngunnagit)
Inuussutissarsiornermi ileqqaakkat
- Kalaallit Nunaanni namminersorluni suliffeqarfimmik pilersitsineq, pigisat nalillit pisiarineqartut nalingi 40.000 kr.-it sinnerpagit (biilit ilanngunnagit)
- Kalaallit Nunaanni inuussutissarsiornermi suliffeqarfinni aktianik aamma piginneqataassutsinik pisineq (kisianni Grønlandsbanken-imi aktiaanngitsut)
Ilinnialernissamut ileqqaakkat
- Kalaallit Nunaanni imaluunniit nunami allami ilinniarneq (10. klasse ilanngullugu qummut)
Ileqqaakkat inatsisitigut aalajangersakkamik siunertamut atorukkit, Namminersorlutik Oqartussanit akileraarutitaqanngitsumik ernianik aamma akileraarutitaqanngitsumik tapiissutinik pissarsissaatit.
Attavigitigut
Takorluukkatit annertunerpaat piviusunngortinnissaannut, inuunermi naatsorsuutiginngisamik aqqusaagassat isumaginissaannut, taakkulu akornanni suut tamaasa pillugit ikiussavatsigit.