Kortit assigiinngitsut arlallit tamarmik immikkut iluaqutissartallit Grønlandsbankenip ilinnut neqeroorutigisinnaavai. Akiitsorsinnaanertaqanngitsumik aningaasanik tigusissutit aamma akiliissutissat. Nunani tamani akiitsorsinnaalluni akiliutit immikkut iluaqutissartallit. Imaluunniit korti illit nammineq ilusilersukkat, illit inuttut ilisarnaatinnik takutitsisoq.
Kortimik toqqaagvit
Akiliut
Akiliut tassaavoq Grønlandsbanken-ip namminerluni akiliissutaa. Niuertarfinni tamani, Akiliutip ilisarnaataanik saqqummiussisuni korti akiliutigisinnaavat.
AkiliutMastercard Debit
Mastercard Debit pigalugu nunani tamalaani tigusissutigisinnaasannik akiliissutigisinnaasannillu peqassaatit. Kortip atorneri tamaasa, aningaasat toqqaannartumik kontonnit nusunneqartassapput.
Mastercard DebitMastercard Kredit
Mastercard Kredit-eqarlutit nikerarsinnaanngussaatit nunarsuarmilu tamarmi toqqissisimasinnaanngorlutit. Korti atorlugu ullut 42-t tungaannut erniaqanngitsumik akiligassatut allatsitsissutaasinnaapput.
Mastercard KreditVisa/Dankort
Visa/Dankort ataqatigiissitaq Kalaallit Nunaanni aamma Danmarkimi Dankortitut nalinginnaasutut atuuppoq. Korti nunani allani atorukku, Visa-taa atorpat.
Visa/Dankort
Kort-it pillugit siunnersuutit
Atulinnginnerini
Kortit aningaasatut tigussaasutut eqqarsaatigiuk. Taamaammat angerlarsimaninni allamiikkaangavillu isumannaatsumik toqqorsimasariuk. Assersuutigalugu saqqumitillugu ilisassanngilat.
PIN-kode alanngaarsinnaanngorlugu ilikkaruk. Kode-vit tamatigut eqqaamasinnaanera qularutigigukku PIN-kode-mut eqqaamatitsissut atussavat.
PIN-kode inunnut allanut tunniutinngisaannaruk – ilinnuinnaq tunngavoq illillu kisivit ilisimasussaavat
Allanut atatillugu PIN-kode qarasaasiamut isissutissatut allatulluunniit atortassanngilaq
Atornerata nalaani
Kisitsisit toortarnerini PIN-kode isertuutissavat. Kode-p toortarnerani allanut takutinnaveersaassavat.
Aningaasat nalunaarsorneri sioqqullugit uppernarsaammik atsiunngisaannassaatit.
Uppernarsaat eqqaamassavat, kingornalu misissuinissannut toqqorlugu.
Kortimi titarneq kajungerisamut attaveqarfia mianersuutiguk. Titarneq kajungerisamut attaveqaat kajungerisaqartunut qallivallaarpat titarneq aserorsinnaavoq.
Kortip ullormi qaangiuffissaa nakkutigiuk. Ulloq qaangiutereerpat korti atorneqarsinnaanngilaq.
Atoreernerani
Konto-nni inissitsiterinerit misissukkit – Netbank-it atorlugu imaluunniit konto-nik nalunaarsuutikkut.
Kortivit annaasimannginnera akuttunngitsumik misissortaruk.
Kortit tammarsimappat imaluunniit atornerlunneqarsimasoq pasitsaakkukku ingerlaannarlutit qisuariassaatit. Piaarnerpaamik Grønlandsbanken imaluunniit Nets attaveqarfigiuk.
Kortip nunani allani atornerani siunnersuutit pitsaasut
Eqqarsarluarlutit PIN-kode’t atortaruk Nunani allaniitillutit PIN-kode’t taamaallaat makkunani atortassavat; aningaasanik tigusisarfinni, aningaasanik akiliisarfinni aamma pisiniarfinni Visa-mut ilisarnaammik allagarsiisoqarsimatillugu.
Pas-i eqqaamajuk
Nunani allani aningaaseriviit karsiini aningaasanik tigusiniartillutit nunat allamiut aningaaseriviisa pas-i apeqqutiginiakkajuttarpaat.
Korti tammarpat imaluunniit tillinneqarpat
Kortit tammarpat tillinneqarpalluunniit nalunaarutigipallassavat. Taamatullu pasitsaassaaqaruit PIN-kodet alapernaanneqartoq imaluunniit kortit kortnormulluunnit inunnik allanik atorneqakulappat. Piaartumik GrønlandsBANKEN attavigiuk uunga:
- Oqarasuaat 70 1234
imaluunniit Nets-imut:
- Oqarasuaat +45 44 89 29 29 (Akiliut kort, Dankort imaluunniit Visa Dankort)
- Oqarasuaat + 45 44 89 27 50 (MasterCard Debit imaluunniit Kredit kort)
Taamaaliguit makku nalunaarutigissavatit; atit aamma najukkat, aningaaseriviup taaguutaa aamma kortivit normua, konto-it normua imaluunniit cpr.nr. Taamaalippat kortit ingerlaannatumik matuneqassaaq atorneqarsinnaajunnaarlunilu.