Akiliut tassaavoq Grønlandsbanken-ip namminerluni akiliissutaa. Niuertarfinni tamani, Akiliutip ilisarnaataanik saqqummiussisuni korti akiliutigisinnaavat. Aamma Grønlandsbanken-ip aningaasanik tigusisarfiini tamani korti atorlugu aningaasanik tigusisinnaavutit. Akiliut korti atorlugu ullormut 9.900 kr.-it tungaannut aningaasanik tigusisinnaavutit – soorunami piumasaqaataalluni, kontonni aningaasaateqarnissat. Tassa Akiliut aningaaserivimmut toqqaannartumik internettikkut attaveqarpoq. Tamanna isumaqarpoq, akiliinerit tigusinerillu taamaallaat naammassineqarsinnaapput, kontonnit matussuserneqarsinnaappata.
Internettikkut niuerneq
Internettikkut niuernermi Akiliut korti atorneqarsinnaanngilaq. Internettikkut niuernissaq pisariaqartikkukku, Mastercard Debit korti Akiliummut kortinnut ilassutitut neqeroorutigisinnaavarput.