Akiliutit atornerlunneqarsinnaanerat millisarniarlugu internetikkut niuerninni akiliinivit akuerinissaanut atatillugu nutaanik piumasaqaateqartoqalerpoq.
Taamaattumik imaassinnaavoq akiliinialeruit ataaniittut arlaat atorlugit akuerseqqaartutit
- MitID imaluunniit
- nammineerlutit kodeliaat, sms-ikkullu kode
App-eq MitID atorlugu akuersineq ajornannginnerpaavoq
Siunnersuutigaarput MitID atussagit, taamaalillutit akiliinissatit ajornanngitsumik pilertortumillu akuerisinnaaniassagakkit. MitID pigeriinngikkukku App Store-mi imaluunniit Google Play-imi aasinnaavat. Maluginiaruk kodeviser atorlugu akuersisinnaannginnavit (3D secure).
Smskodemut ilanngullugu nammineerlutit kodeliat atorlugit ima akuersissaatit
MitID atorsinnaanngikkukku imaluunniit atorusunngikkukku, sms kodemut ilanngullugu nammineq kodeliannik internetikkut pisiatit akuerisassavatit.
Nets-ip nittartagaani uani nammineerlutit pissannik kodeliorsinnaavutit. MitID atorlugu isissaatit. Internetikkut pisininnut atatillugu sms-ikkut kodemik pissaatit.
Internetikkut pisininni, allatsitsininni imaluunniit oqarasuaatikkut pisininnut atatillugu Dankort, Visa/Dankort imaluunniit MasterCard atorlugu akiliinermi kodemik pingasunik kisitsisitalimmik atuisussaasarputit. Kode taanna akiliutivit tunuaniippoq, akiliutivilli qanoq ittuunera apeqqutaalluni allami allassimasinnaavoq.
Akiliutit atorlugit akiliininnut atatillugu PIN-kode-t tunniutinngisaannassavat.