Grønlandsbanken-imi Mastercard-eqaruit Mastercard-imi paasissutissaativit sumi qanorlu atorneqarsinnaaneri allanngortissallugit periarfissaqarputit.
Tassa imaappoq, Netbank-it imaluunniit Mobilbank-it aqqutigalugu Mastercard-it nunarsuarmi sumiiffinni qulingiluani matusinnaavat. Soorlu nalunngikkukku, Afrikamut angalasussaanak, taava sumiiffimmi tassani atorsinnaajunnaarlugu matusinnaavat.
Taamattaaq kortivit atorneqarnera toqqagassani assigiinngitsuni iluarsaassinnaavat – imaaliorsinnaavutimmi:
- Kortip internetikkut niuernissamut matutillugu
- Kortip Internetikkut atornissaa matutillugu
- Kortivit casinoni, spilcafeni il.il. atornissaanut matutillugu
- Kortivit aningaasanik tigusisarfinni tigusissutiginissaanut matutillugu
- Netbank imaluunniit Mobilbank atunngikkukkit, taava siunnersortit attavigisinnaavat, taassuma atulersinnissaa, kortivillu isumannaallisarnissaa suliarisinnaavaa.
Qanoq iliussavit?
Netbankimi Sumiiffimmi Isumannaannerup qanoq atorneqarnissaa ilitsersuutinnguamik suliarinnippugut – attavissaq talerpiatungaaniittoq takuuk
Kortivit sumiiffigisanni niuernermut ammanersoq misissornissaa eqqaamajuk
Sumiiffimmi aalajangersimasumi atorsinnaanera matutikkukku, taava tassunnannginnarni kortit ammanersoq paasiniaqqaaruk. Nunami tassaniitillutit kortit atorsinnaanngikkukku, taava Netbank, Mobilbank-iluunniit aqqutigalugu ammarsinnaavat, ingerlaannarlu atulersinnaassaaq.
Netbank, Mobilbank-iluunniit atunngikkukkit, taava siunnersortit attavigisinnaavat, tassanili apeqqutaassaaq aningaaseriviup ammanerata nalaani saaffiginninnersutit.