Peqatigiiffik netbankeqarnissamut kissaateqarpat, uatsinnut ilisimatitsissutigineqassapput inuit, netbankimut isersinnaasussat. Inuit taakku siulersuisunut ilaasortaanngippata, siulersuisunut ilaasortat assigalugit kinaassutsimut uppernarsaatinik piumasaqaateqassaagut.
Peqatigiiffiit CVR-normoqanngitsut
Peqatigiiffissi CVR-normoqanngippat, tulliuttut nassiutissavasi: (Ass. atuarfimmi klassinut aamma peqatigiiffinnut minnerusunut tamanna atuuppoq).
- CPR normu
- Ileqqoreqqusat
- Ileqquusumit ataatsimeersuarnermit kingullermit imaqarniliaq
- Piginnaatitaasut kinaassutsimut uppernarsaataat
- Piginnaatitsinermut tunngasut
Peqatigiiffiit pillugit paasissutissanik nutarterineq
Peqatigiiffissi kontoa pilersinneqareerpat, pingaaruteqarpoq, paasissutissanik nutarsakkanik ingerlaavartumik nassinneqartarnissarput. Taamaattumik qinnuigaatsigit, ileqquusumik ataatsimeersuarnermi kingullermi imaqarniliap assinganik atsiorneqarsimasumik nassittassagitsigut, taamaasilluta siulersuisusi pillugit paasissutissanik eqqortunik peqartuaannassagatta, kiisalu peqatigiiffiup aningaasaatai pitsaanerpaamik qulakkeersinnaajuaannassagatsigit.
Allannguinerni nutarsaaneq
Siulersuisuni allannguisoqarpat, siulersuisunut ilaasortat nutaat kinaassutsimut uppernarsaatai nassiuteqquneqarput, bopælsattest aamma uku arlaat pas, kørekort imaluunniit kuisinnermut allagartaq. Aamma netbankimut isersinnaasuni, atsiorsinnaatitaasuni imaluunniit piginnaatitsinermut tunngasuni allannguinermi ilisimatinnissarput eqqaamaqquarput.