Peqatigiiffissi Grønlandsbankenimi kontomik pilersitsinialerpat, kontop pilersinnissaanut qulakkeernissaanullu uppernarsaatinik paasissutissanillu arlalinnik piumasaqaateqassaagut. Suliami toqqissisimanartumik ikiorusuppatsigit, taamaattumik uani takusinnaavasi suut pisariaqartinnerigut:
1. Peqatigiiffiup ileqqoreqqusai
Siulersuisunit atsiorneqarsimassapput, aamma allassimassaaq, peqatigiiffimmi kina atsiortussaatitaanersoq.
2. Imaqarniliaq
Pilersitsilluni ataatsimeersuarnermit imaqarniliap imaluunniit ileqquusumik ataatsimeersuarnerup kingulliup assilinera, siulersuisunit inissititersimasunit atsiorneqarsimasoq.
3. Siulersuisut tamarmik kinaassutsimut uppernarsaataat
Siulersuisunut ilaasortat kinaassutsimut uppernarsaataat assigiinngitsut marluk: bopælsattest kiisalu uku arlaat pas, kørekort imaluunniit kuisinnermut allagartaq.
4. CVR-normu uppernarsaat
Peqatigiiffiup CVR-normuanut uppernarsaat.
Uppernarsaatit taakku tigoreerutsigit, pilersitsinissamut suliaq aallartissinnaanngussavarput. Uppernarsaatinik allanik, immersorlugillu atsiorneqartussanik nassinneqassaasi. Taakkununnga ilaatigut ilaassapput:
- Niuernerup annertussusissaa naatsorsuutigisaq
- Piginnaatitsinermut tunngasut
- Nammineq nalunaarut
- Sullitamut tunngasut pillugit isumaqatigiissut
- Pisariaqarfiisigut Nemkonto atoruk
Peqatigiiffimmut netbanki
Peqatigiiffik netbankeqarnissamut kissaateqarpat, uatsinnut ilisimatitsissutigineqassapput inuit, netbankimut isersinnaasussat. Inuit taakku siulersuisunut ilaasortaanngippata, siulersuisunut ilaasortat assigalugit kinaassutsimut uppernarsaatinik piumasaqaateqassaagut.