Grønlandsbanken-ip Inuussutissarsiornermut Aningaasaateqarfiata ullumi – ulloq 4 november 2016 – aallarniisumut/aallartitsisumut nersornaasiuttakkani Arctic Dreams ApS-imut Lars Anker Møller-imit pigineqartumut tunniuppaa.

Inuussutissarsiornermut Aningaasaateqarfiup ukiorpaalunngortuni aallarnii-sumut nersornaasiuttagaq inummut suliffeqarfimmulluunniit, ingerlatsinermini immikkut sullerissutsimik, pimoorussilluinnarnermik takutitsilluarnermillu ma-luginiagassaasumut tunniuttarpaa, ukiullu ingerlanerini nunatsinnit sumiiffinnit assigiinngitsunit inuussutissarsiornermikkullu assigiinngisitaartunik inger-laqartunut nersornaat tunniuttarsimavaa.

Inuussutissarsiornermut aningaasaateqarfimmi siulersuisut 2016-imi aallarnii-sumut nersornaat aaliangersimavaat Arctic Dream ApS v/Lars Anker Møller-imut tunniunneqassasoq.

Nersornaat 25.000 koruuninik aningaasartaqarpoq.

Grønlandsbanken-ip Inuussutissarsiornermut Aningaasaateqarfiani siulit-taasoq, Kristian Lennert nersornaasiinermut atatillugu imaattunik oqaaserta-liivoq:

”Siullermik Lars Anker Tasiilami naapikkakku malugereerpara, eqeersimaarluinnartuusoq, takornarialerinerullu iluani namminerluinnaq ingerlakkumasaminik aallartitsiniartousoq. Nunatta Kitaani periarfissaasut attaveqaatigissaarnerunerlu ungasillugit Lars Anker-ip takornarialerinermik suliffeqarfiutini imminerluinnaq inerisarpaa minnerunngitsumik Island-imit tikeraartussaqqissorpassuit isigalugit.

Arctic Dream ApS aqqutigalugu Lars Anker-ip takutippaa takornarialermi al-latut sammisumik ineriartortitsisoqarsinnaasoq sumiiffimmi suliassaqartitsiler-lunilu aningaasarsiorfiulersinnaasumik.
Aningaasaateqarfimmit isumaqarpugut tamanna imaannanngitsuliornerusoq, Tasiilamuinnaanngitsoq iluaqusiissumik, aammali nunatsinnut tamarmiusu-mut isinik ammaauusoq.

Takornariarumasunik pissarsisinnaavugut tamakkununngalu neqeroorute-qarsinnaalluta, kisianni pineqartut ineritissagaanni siunnerfigisamut tunni-usimalluinnartuunissaq, qasusuitsuunissaq piginnaaneqarnissarlu pisari-aqarput. Taaneqartut Lars Anker Møller-imut Arctic Dream ApS-imik aallartitsinerani ilisarnaataalluinnarsimapput.”

Takuneqarsinnaavoq Lars Anker Møller nuannaartoq tunineqarmat nutaamik aallartitsisumut akissarsiaritittagaanik.

”Nersornaasigaanera tulluusimaarutigaara, suliamut ilungersunartumut nersorniarneqarluni nuannertuaannarpoq. Nammineq suliffeqarfiummik aallartitsiniarluni ilungersornartuuvoq, imminulli akilersinnaavoq. Siunissamilu suliffeqarfinni pissanganartunik pilersaaruteqalereerpunga.”