Nalunaarutigissallugu nuannaarutigaarput, Immikkoortortami pisortaq Malene Christensen 1. august 2025 aallarnerfigalugu Grønlandsbankenimi Sullissisunut pisortatut atorfinissammat.

Malene Sisimiuni inunngorlunilu peroriartornikuuvoq, 2001-imili Grønlandsbankenimi atorfinippoq, Sisimiuni karsimi sullissisutut aallartilluni.

Ukiut ingerlanerini Malene arlalinnik atorfeqarsimavoq, matuma ataani sullitanut ikiortitut, siunnersortitut, immikkoortortami aqutsisutut aamma sulisunit toqqarneqarluni siulersuisunut ilaasortatut. Immikkoortortaqarfitsinni arlalinni sulinikuuvoq – Sisimiunit aamma Qaqortumit, Aasiannut aamma Nuummut – ilaatigullu Aasianni immikkoortortaqarfimmi aqutsisutut nutaatut immikkoortortaqarfimmik ammaaqataasimalluni. Suliffeqarfimmik aamma najukkami inuiaqatigiinnik qanimut ilisimaarinninnerata atorfimmut matumunnga nukittuutut inissisimatippaa.

Malene piffissap ingerlanerani ingerlaavartumik ilinniaqqittarsimavoq – ilaatigut siulersuisutut ilinniakkamik kiisalu kingullermik aqutsinermi Masteritut naammassinnilluni.

Atorfini nutaaq pillugu Malene oqarpoq:

"Sullitat misigisaannik nukittorsaanissamut aamma sullitatsinnut aamma suleqatigisatsinnnut allanngueqataanissamut suliaqarnissaq qilanaaraara. Sullitanut suli qaninnerulernissamut aamma sullitat takorluugaannik piviusunngortitsinissamut pissanganartunik pilersaaruteqarpugut, ineriartornermullu tassunga peqataanissamut qilanaarpunga."

Aningaaserivimmi pisortaq Martin Kviesgaard oqarpoq:

”Tulluusimaarutigaarput Malene qullersanut tikilluaqqussallugu, qularinngilarpullu, sullitanut aningaaserivimmullu naleqartunik pilersitseqataajumaartoq – Kalaallit Nunaannut iluaqutaasumik.”