Kalaallit Nunaanni pigisanik aalaakkaasunik pisisinnaatitaanermut nutaanik malittarisassaqalertoq atuareersimassavat. Malittarisassami kina pigisanik aalaakkaasunik nunaminertanillu atuisinnaatitaanersoq naleqqussarneqarpoq.

Malittarisassat nutaat isumai Inuit naalagaaffimmi innuttaasutut pisinnaatitaaffeqanngitsut/Danmarkimi innuttaassuseqanngitsut - imaappoq inuit Kalaallit Nunaanni, Savalimmiuni Danmarkimiluunniit innuttaassuseqanngitsut - Kalaallit Nunaanni pigisanik aalaakkaasunik pisisinnaatitaanngillat.

Inuit ukiuni kingullerni marlunni Kalaallit Nunaanni aalajangersimasumik najugaqarsimasut imaluunniit akileraarutinut akiliisarsimasut suli pigisanik aalaakkaasunik pisisinnaatitaapput.

Inatsisit malillugit suliffeqarfiit danskimik innuttaassuseqartunik piginnittullit kiisalu ukiuni kingullerni marlunni Kalaallit Nunaanni aalajangersimasumik najugaqarsimasunik (akileraarutinullu akiliisarsimasunik) piginnittullit suli pigisanik aalaakkaasunik pisisinnaatitaapput/nunaminertanik atuisinnaatitaapput.

Ataasiakkaat immikkut ittumik akuerisaapput tassaqsut aatsitassarsioqatigiiffiit, suliffeqarfiit takornarialerisut kiisalu aalisartut. Inatsisit malillugit taaneqartut naleqquttumik pissuseqartillugu pigisanik aalaakkaasunik pisisinnaatitaapput.

Sinneri Naalakkersuisunut immikkut ittumik akuersissuteqarnissamik qinnuteqarsinnaapput.

Malittarisassat nutaat ilinnut qanoq isumaqarpat?

Malittarisassat nutaat ima ilinnut isumaqarput pigisanik aalaakkaasunik assingusumilluunniit pisissaguit minnerpaamik ukiut 2 Kalaallit Nunaanni aalajangersimasumik najugaqarsimassasutit akileraartussaasimassasutillu.

Pigisanik aalaakkaasunik assingusumilluunniit pisissaguit minnerpaamillu ukiut 2 Kalaallit Nunaanni aalajangersimasumik najugaqarsimanallu akileraarutinut akiliisarsimanngikkuit eqqartuussissuserisumut unnersuutissavatsigit, eqqartuussissuserisup taava periarfissatit misissussavai ajornanngippallu immikkut ittumik akuersissuteqarnissamik qinnuteqaasiullutit.