Atuarlugu
Anisitsigit

Takornarialerineq pillugu taarsigassarsisitsinerup nutaap suliniutit nutaat aqqutissiuutissavai

Nutaarsiassat | 2025-07-10
G65A0453

Grønlandsbankenimit ukiumi siullermi 0%-imik ernialimmik takornarialerineq pillugu taarsigassarsiat nutaat, Kalaallit Nunaanni sumiiffinni tamani takornarialerinermik suliffeqarfimmik ingerlatsinissamut kajumissuseq siuarsassavaa

Nunatta pinngortitaa kusanarluinnartuuvoq, immikkuullarissunillu misigisassaqarluni inuppassuit misigissallugu takorluugaannik. Nunatsinni takornariaqarneq ineriartoqqinnerussappat, inuiaqatigiinnit tamanit tapersersuineq tunniusimanerlu piumasaqaataavoq. Takornariaqarnermik inuussutissarsiutip siuarsarnissaanut kiisalu takornariaqarnermik suliffeqarfiit iluatsinnissamut pisariaqartumik tapersersorneqarnissaannut Grønlandsbanken tunniusimavoq.

 

Aqqummut eqqortumut alloriartitsineq
Grønlandsbanken takornariaqarnermik ingerlataqarfiup iluani taarsigassarsiarititanik neqerooruteqarpoq, najukkami takornariaqarnermik suliffeqarfiit toqqammavissinnissaannut aamma ineriartornissaannut iluaqutaasussatut ilusilersukkamik. Taarsigassarsiarititat taakku ukiumi siullermi 0 %-imik erniaqarnissamut suliffeqarfinnut periarfissiipput, tamanna iluatsinnissamut aqqummut aallartitsilluartuussaaq.

”Aningaaseriviup taarsigassarsiat akikitsut neqeroorutigiinnanngilai, aammali immikkut ilisimasalittut siunnersuineq neqeroorutigaa, tamatumani qulakkeerniarlugu suliffeqarfiit niuernermi ilusiliaminni piujuartitsinermik aamma iluanaaruteqarnissamik ilanngussinissaat. Tamanna isumaqarpoq, takornariaqarnermik suliffeqarfiit aningaasaqarnikkuinnaq ineriartussanngitsut, aammali avatangiisinut inuiaqatigiinnullu akisussaaffimmik tigusissallutik.” Inuussutissarsiornermi pisortaq, Søren Stenberg oqarpoq.

Grønlandsbanken-ip nunatsinni tamarmi siuariartornerup ineriartornerullu siuarsarnissaa sulissutigaa, aamma najukkami suliniutit tapersersornerisigut, inuiaqatigiinnut aamma nunatsinni aningaasaqarnermut pitsaasumik sunniuteqartumik pilersitsisoqarsinnaavoq.

Takornarialerineq pillugu taarsigassarsiat inunnut aamma suliffeqarfinnut, takornariaqarneq pillugu inatsit naapertorlugu takornarialerinermik suliffeqarfimmik najukkami ingerlatsisunut ilusilersugaavoq. Tassani suliffeqarfiit aallarterlaat sullinniakkanut ilaalluinnarput, taarsigassarsiat sammisanik annertusaanissamut imaluunniit nutaanik aallartitsinissamut, immaqa suliaqartut allat suleqatigalugit periarfissiimmata.

 

Paasissutissat
Takornarialerinermi taarsigassarsianik pissarsiarineqassapput:

  • 1.000.000 DKK tungaanut taarsigassarsinissamut periarfissaq
  • Lånet kan maksimalt udgøre 20% andel af den samlede investering
  • Akilersuinerup ingerlanerani ukioq siulleq erniaa 0%
  • Sivisunerpaamik ukiuni 5-ini akilersuineq. 

 

Taarsigassarsiat imaluunniit ilanngutassiaq pillugu apeqqutissaqarpit?

Attavigiuk: Inuussutissarsiornermi pisortaq, Søren Stenberg, ss@banken.gl imaluunniit Pisortap tullia, John Jakobsen jj@banken.gl