Grønlandsbanken-imi digitalikkut ineriartortitsineq taamaallaat teknologimut tunnganngilaq – inunnut aamma tunngavoq. Taamaattumik nittartagarput nutaaq pinngorpoq peqqissaartumik akuutitsisumillu pilersaarusiorneqareerluni, sullitavut 1.800-nit sinnillit akissutaat tusarnaarpavut pisariaqartitaat, kissaataat naatsorsuutaallu paasiniarlugit.

“Misissueqqissaarnerput naammassivarput, tassami nittartagaq tassaammat digitalikkut attaveqartarnitsinni pingaarnerpaaq. Sullitatsinnut, aningaasaliisutsinnut suliffissarsiortunullu iluaqutaasussanngorlugu sanaajuvoq, ujakkanillu nassaarnissamut ajornanngitsuusariaqarpoq pisariitsuullunilu.” taama oqaluttuarpoq attaveqatigiinnermut nittarsaassinermullu pisortaq Peter Fleischer Rex.

Platform nutaaq paasinartussiaavoq – aammali sullitatta aningaasaqarnerminni ingerlarngannut iluaqutaasussaalluni. Apeqqutaanani initaarnissannik imaluunniit suliffeqarfimmik aallartitsinissannik takorluugaqarnersutit imaluunniit illit nammineq meeqqavilluunniit siunissaat isumannaarusunneritit, taava nittartakkakkut ima ittunik periarfissaqarputit:

• Sunik periarfissaqarnerlutit misissorsinnaavat
• Bankimi ataatsimeeqateqarnissannut piareersarsinnaavutit
• Akissutissat tuavisaarneqarnak ujarsinnaavatit
• Toqqakkatit toqqissisimaffigisinnaavatit

Angerlarsimaffinniit paasisaqarluareernissat kissaatigaarput taamaalillutit bankimi ataatsimeeqateqaleruit paasisaqarluarsimallutit imminullu tatigalutit piniassagavit. Taamaattumik takorluukkannut piviusunngortitsinissannut nittartagaq atortussatut tikkuussisutullu atorsinnaavat.

Assitigut ersarissumik atassuteqarneq 

Saqqaani takussaavoq asseq kusanarluinnartoq Qaanaami qaqqaq timmiaqarfik, assiliisumit Carsten Egevang-imit assilisaq. Piaarinaatsornerinnaanngilaq. Grønlandsbanken-ip ilisarnaataa tassaavoq Appa – asserlu kinaassutsitsinnut assitigut ersarissumik attaviliivoq.

"Sullitatsinnut qanikkusuppugut – nittartagarpullu atoruminartuutikkusupparput sullilluarneqartutullu misigititsiffigerusupparput. Nittartakkami nutaami tusarnaarusussuseqarnerput pitsanngoriartorusunnerpullu ersarippoq.” Peter Fleischer Rex oqarpoq.

Nittartagarput nutaaq aqqutigalugu digitalikkut misigisassamut pitsaanerusumut qaaqquatsigit, qanorluunniit Grønlandsbankimut atassuteqarnerit ikkaluarpat.

Nuannisarluarina!

Grønlandsbanken-ip attaveqatiigiinnermut nittarsaanermullu immikkoortortaqarfimmiit