Nuuk, 22. maj 2025 – Grønlandsbanken-ip Inuussutissarsiornermut Aningaasaateqarfiata nu-annaarutigingaarlugu Aallartisaasunut akissarsiaritittakkani 2025 Tupârnak Bernth-Andersenimut, SCAN INUK ApS-imik pilersitsisumut tunniuppaa.

Inuussutissarsiornermut Aningaasaateqarfiup ukiuni arlaqartuni inuit kiisalu suliffeqarfiit, im-mikkut ittumik iliuuseqarusussutsimik, aallussinermik suliniuteqarnermillu takutitsisut nersortar-pai. Akissarsiaritittagaq Kalaallit Nunaanni nunap immikkoortuini assigiinngitsuni aamma inu-ussutissarsiorfinni assigiinngitsuni tunniunneqartarpoq.

Ukioq manna Inuussutissarsiornermut Aningaasaateqarfimmi siulersuisut Aallartisaasunut akissarsiaritittagaq Tupârnak Bernth-Andersenimut SCAN INUK ApS-imik pilersitsisimaneranut tunniutissallugu aalajangersimavaa. Akissarsiarititamut ilaapput aningaasat 25.000 kr.-iusut.

Grønlandsbanken-ip Inuussutissarsiornermut Aningaasaateqarfiani siulitatasoq, Kristian Len-nert, oqarpoq:

"Tupârnak Bernth-Andersen Kalaallit Nunaanni sonografitut siullertut Kalaallit Nunaanni anga-joqqaanngortussanut naartusunut, pisortani peqqinnissaqarfimmi neqeroorutit avataatigut misissortinnissamut kissaateqartunut, skannerinermik neqerooruteqartarneq pillugu nammin-ersorluni suliffeqarfimmik pilersitsisimagavit.

Suliffeqarfinnik ernisussiortutut sulinerit ilallugu periarfissaq tigusimavat, niuerutigalugulu. Peqatigitillugu Kalaallit Nunaanni peqqissaanikkut neqerooruteqarneq kivitseqataaffigaat, Righospitalimit immikkut ilisimasallit DIH/Sana peqatigalugu atassusernerisigut, taa-maasillutit scannerinerit angajoqqaanngortussanik nammineq oqaaserisat atorlugit ilitsersuinermik neqerooruteqarfigalugit.

Tamatuma saniatigut suliffeqarfimmik ineriartortitsinermi isumassarsiorneq attassisinnaaner-lu takutippat.
Kalaallit Nunaanni aallartisaasunut allanut maligassaavutit, 2025-milu Inuussutissarsiorner-mut Aningaasaateqarfiup aallartisaasunut akissarsiaritittagaanik pitsaasumik suliniuteqarnin-nut kajumissaasernissat kissaatigaarput."