Sooq soraarnerussutisiaqalernissamut katersissariaqartugut?

Utoqqalinersiaqalernissannut sioqqutsilluarlutit katersilernissat pingaaruteqarpoq. Taamaalillutit suliunnaarlutit utoqqalinersiuteqaleruit nammineq inuunererusutat malillugu inuunissannut akissaqarnissat qulakkiissagakku. Attavigitigut – soraarnerullutit inuuneq atorluarniassagakku, utoqqalinissannut katersilernissannik ikiorusuppatsigit.

Qimatut Pension

Qimatut Pension tassaavoq soraarnerussutisiaqalernissamut GrønlandsBANKEN-imi ileqqaagaqartitseriaaseq. 2018-imi januaarip aallaqqaataaniit akissarsiavit 2 %-ii tassunga akiliutigisalissavatit. Taamatut procentiliineq ukiut tamaasa allanngortinneqartassaaq, taamaaliornikkut 2022 nallerutsigu tamavitta akissarsiatta 4 %-ii soraarnerussutisiaqalernissatsinnut akiliutigisalersimassavagut. Kisiannili piumaguit akissarsiavit 20 %-ii angullugit soraarnerussutisiaqalernissannut akiliutigisarsinnaassavatit. Qimatut Pension-imut akiliutigineqartartussat tamakkerlutik akileraarutissanit ilanngaatigineqarsinnaasussaapput. Aningaasat Qimatut Pensionimut akiliutigisartagassatit tigooqqalernissaata tungaanut aningaaserivimmi kontomiitsinneqassapput, aammali isumaqatigiissusiorfigisinnaavatsigut aningaasat akiliutigisartakkatit ataavartumik, soorlu aktianut assigisaanullu, aningaasaliissutigineqartassasut. Ileqqaagaqarneq namminersortunut kisimiillutik suliffiutilinnut tunngasuuvoq.

Pissarsisussanngortitsineq

Qimatut Pension atorlugu ileqqaarfimmik sanatitsiguit pingaaruteqarportaaq suli soraarnerussutisiaqalernak toqoriasaassagaluaruit katersatit kia pissanerai. Aallaavigineqartarpoq qaniginerpaasanut pisassanngortinneqassasut, taakku tassaallutik katissimallugu aapparisaq qitornallu – aapparisaq pineqarani. Taamaattumik pingaaruteqarpoq aningaasanik pisussanngortikkusutavit aqqa/aqqi allassagitit.

Akiliineq

Qimatut Pension-imi ileqqaakkatit ilinnut tunniunneqartalersussanngorpata inatsit naapertorlugu ileqqaarsimasavit affaat inuunerpit sinnerani pissarsiarisartagaqarsinnaanermut nuunneqassapput. Ileqqaarsimasavit affaat Qimatut Pension-imut kontonniitsinneqaannassapput ikinnnerpaamillu ukiut qulit ingerlaneranni qaammatit tamakkiallugit pissarsiffigisassavatit. Inuunerpit sinnerani pissarsissutigisarsinnaasannut atugassanik (livrente) illikartitsisoqarneratigut inuunerpit sinnerani pisartagaqarsinnaanissat qulakkeerneqassaaq. Soraarninngortussanngoruit ileqqaakkatit katillugit 700.000 koruunit inorlugit amerlassuseqarpata ataasiartumik ataatsikkut 100.000 koruunit tigusinnaassavatit sinneruttullu qaammatit tamaasa 4.500 koruunikkaarlugit tunniunneqartarumaarlutik. Aningaasat tunniunneqartalerunik akileraaruteqartinneqartarumaarput.

Naqitaq paasissutissiaq

Naqitaq paasissutissa: Uani aajuk

Siunnersortit saaffigiuk

Ullumikkut sianerlutit allagaqarlutilluunniiit siunnersortit piffisamik inniminniiffigereeruk, taava peqatigiillusi soraarnermusiassannik pilersitsinissat ilusilersinnaassavarsi, illit pisariaqartitsininnut naleqqussagaalluinnartumik.

Aallartinnerit siusissukkut isumagigukku, taava soraarninngoruit periarfissatit amerlanerulissapput.

Siunnersortit attavigiuk