Kontotit bankimut allamut nuunniarukkit qanoq iliussavit?
Bankinni nutaami sulisut saaffiginiarukkit periarfissaraatit oqarasuaatikkut, internetikkut imaluunniit illoqarfigisanni immikkoortortaqarfinnut saaffiginninnissat. Nuunnermut atatillugu attaveqartarneq bankitaavit nalinginnaasumik isumagisarpaa. Pisariaqalersinnaasarporli aamma bankitoqqannut saaffiginnittariaqarneq.
Bankitaavit qanoq ikiorsinnaavaatit?
Kontossatit nutaat pilersissavaat
Piumaguit aamma Betalingsservice atorlugu ataavartumik akilertakkavit bankitaavit kontotaanni atuutsiinnarnissaat isumagisinnaavaat.
Betalingsservice-mut atanngitsunik akiligassaqaruit, soorlu eIK-mut ilanngunnerit, bankinnut nutaamut atuutsilernissaat noqqaassutigisinnaavatit. Suut akilertarnerlugit nalorniguit, taava bankitaappit bankitoqqannut taakku piumasinnaavaat. Bankitaappit allattorsimaffik pigunikku taava taakku akiliisarnerit aamma ikkussussavaat/elK-mut ilanngutissavaat.
”Akiliisarnernik noqqaassut” immersorlugu, bankitoqqannit nuukkusutatit. Noqqaassut atsiussavat. Bankitaavit taava bankitoqqannut nassiutissavaat.
Pisariaqarpat bankitaavit aamma paasissutissat pisariallit ingerlateqqissinnaavaat kikkunnuugaluarnersoq, soorlu sulisitsisunnut.
Nem-Konto-tut (Danmarkimi pisortanit pisartakkanik pinissamut, soorlu meeqqanut tapit imaluunniit akileraarpallaarsimanermi) atussanersoq nalilissavat.
Bankitoqqat sussava?
Bankitaannit piumaffigineqarnermigut bankitoqqavit akiliisarnerit allattorsimaffiat suliarissavaa, Betalingsservicemut atanngitsut aammalu elK atorsimanerit. Allattorsimaffik bankitaannut nassiunneqassaaq aammalu ilinnut assilinera. Tassunga atatillugu bankitoqqavit akiliisitsisarnerit taakku unitsissavaat.
Bankitoqqavit ”Akiliisarnernik noqqaassut” pissarsiarigunikku, kontot bankitaannut pilerseqqunikuusatit, bankitoqqavit taakku matussavaat. Kontotoqqat imaat bankitaannut nuunneqassapput.
Qanoq akeqarpa?
Kontotoqqavit1 (soorlu Appaløn, Flexkonto, Budgetkonto) matunerinut bankitoqqannut akiliissanngilatit aamma Betalingsservice2 aqqutigalugu akilertakkanut allattorsimaffimmut taamatut.
Bankitoqqanni bankitaannilu sullissinermut akiliutinut allattorsimaffik pisinnaavat.
Tamakku aamma bankit tamarmik nittartagaasigut takuneqarsinnaapput.
Kontot nutsernerini bankit pisuussutaannik kinguaattortoqartillugu ilinnut kingunerlunnavianngillat.
¹ Qaammatit 12 ataallugit kontot pigisimagukkit akeqanngitsumik matusinissannut piumasaqarsinnaanngilatit.
² Bankimi systemit atorlugit imaasiallaannaq takuneqarsinnaappata aammalu qaammatit 13 sinnerlugit pisoqaassuseqanngippata.
Akiliisarnerit nuunneri qanoq sivisutigissappat?
Akiliisarnerit nuunneri bankip ammaffiini ullut 7-it iluini suliarineqassapput, bankitaavit bankitoqqannit paasissutissat pisariallit tamaasa pissarsiarereernerisigut. Bankitoqqannit akiliisarnernut paasissutissanik piniaqqaassatillugu aamma taakku ullut 7-it saaffiginnissummik suliaqarsinnaapput. Taamaalilluni akiliisarnerit inissinnissaannut ullut 14-it angullugit ingerlanneqarsinnaallutik.
Naammagittaalliorniarpit?
Kontot akiliisarnerillu nutserneri naatsorsuutigisattut ingerlanngippata, aallaqqaammut bankitaat attavigissavat.
Naammagisimaarneq angunngikkukku, taava Finanstilsynet, Århusgade 110, 2100 København Ø. saaffigissavatit.
Aningaasaqarninnut aammalu aalajangersimasumik aningaasanut tunngasumik naammagittaalliussaguit, taava Forbrugerklageudvalget, Postboks 689, 3900 Nuuk saaffigalugit suliassanngortitsisinnaavutit.
Finansrådet-ip bankimut allamut nuunnermut tunngatillugu quppersagaa
Imatut bankimut, sparekassemut andelskassemulluunniit allamut nuussaatit.