Kalaallit Nunaanni aningaasaliinermi akileraarusiineq
Grønlandsbanken-imi kissaatigaarput nunaqavissunit pigineqassalluta.
Taamaattumik nuannaarutigingaarparput tulluusimaarutigalugulu piginneqataasut 2500-nit amerlanerusut Grønlandsbanken-imut piginneqataammata, amerlanersaallu nunaqavissut, inuit suliffeqarfiillu Kalaallit Nunaannut attuumassuteqartuummata.
Kalaallit nunaanata ineriartornerani suliniaqataagit
Kalaallit Nunaata aningaaserivianut piginneqataasutut Grønlandsbanken-imut qulakkeerinneqataavutit, aammalu minnerunngitsumik inuiaqatigiit ineriartornerata ingerlaannarnissaanut.
Aningaaserivimmi piginneqataasutut, piorsarsimassuseq, timersorneq allallu nunatsinni tapersersussavatit.
Kalaallit Nunaanni aningaasaliinermi akileraarusiineq
Inuussutissarsiutilinnut ingerlatsivinnullu
Suliffeqarfiit ingerlatsiviillu Kalaallit Nunaanni akileraartussaatitaasut aningaasaliinermininngaanniit iluanaarutit piviusut akileraaruserneqassapput - matuma ataani aningaasaliisartut peqatigiiffiit katersukkat.
- Iluanaarutit isertitatut nalinginnaasutut akileraaruserneqassapput
- Annaasaqaatit isertitat akileraaruteqaataasussanit ilanngaatigineqassapput
Taava aningaasaliineq suliffeqarfiup aningaasaliissutinut ingerlatsineranut peqataalissaaq, aarlerinartut iluanaarutillu suliat aqqutigalugit aqunneqarsinnaalerlutik.
Inuinnartut aningaasaliisunut
Inuinnartut aningaasaliisartut peqatigiiffiit katersukkanit iluanaarutit akileraaruserneqassanngillat, aningaasaliineq aningaasannanniarnerminngaanniinngippat næringsvirskomhediminngaanniinngippallu
- Nalittorneratigut iluanaarutit akileraarusigassaanngillat
- Nalikillineratigut annaasat ilanngaanneqarsinnaanngillat aningaasanik iluanaarniarsarisorineqanngikkuit
- Kalaallit Nunaanniit nuuttut atorunnaarsitsinermut akileraartinneqassapput
Akileraarutinit iluanaarutit utimullu ujaasineq
GrønlandsBANKEN suliffeqarfiuvoq Kalaallit Nunaanniittoq, taamaattumik kalaallit nunaanni Inatsisartut inatsisiliaat malillugit akileraartartussaalluni.
Inatsit §86 malillugu GrønlandsBANKEN pisussaavoq iluanaarutinik agguaanermi akileraaruteqarnissaa. Sermersuup Kommuniata aalajangertarpaa ukiumi iluanaarfiusumi akileraarutip qanoq annertutiginissaa.
Iluanaarutinillu agguaasarnerup akileraarutaa inaarutaasumik akileraarutaavoq
Iluanaarutip akileraarutaa taamaallaat utertinneqarsinnaavoq Inatsit §3 tunngavigalugu, tassa akileraartussaanngikkaanni imaluunniit nunami Kalaallit Nunaata marloriaammik akileraaruteqartitaanermik isumaqatigiissuteqarfigisaani najugaqaraanni.
Nunami allami najugaqaruit marloriaammik akileraartussaatitaanerit Kalaallit Nunaanni Akileraartarnermut Aqutsisoqarfimmut saaffiginnissutigissavat. Taamatullu GrønlandsBANKEN-imi iluanaarutitut agguagarsiavit takussutissartaa ilanngutissavat akileraarutaasimasoq nunami najugarisavit akileraarnermut malittarisassai malillugit utertissagukku.
Akileraartarnermut Aqutsisoqarfik attavigisinnaavat tax@nanoq.gl amma 34 50 00.
Siunnersussavatsigit
GrønlandsBANKENimi aningaasaliinermut iluarsisiissutit akisussaassuseqartut piujuartitsisullu ilinnut neqeroorutigissallugit Sparinvest kiisalu BankInvest suleqatigivagut – iluanaarutit akileraartarnikkullu pissutsit ataqqillugit.
Apeqqutissaqaruit
Piginneqataasunngorusupput?
