EU-p piujuartitsinermut nalunaarusiornermut najoqqutassiai nutaat CSRD (Corporate Sustainability Reporting Directive). piumasaqaatissanut naatsorsuutaat malinnissaanut aallariarpugut. Piumasaqaatit inatsisit malillugit aatsaat kingusinnerusukkut pisussaaffinngortussaagaluartut maannakkut nalunaarusiornermi pingaarnersaat pingasut ilusilersoreerpagut: silap pissusia, suleqatigiinni pissutsit niunernermilu ileqqut pitsaasut. Sulinerput saqquminissaa, uppernarsarnissaa kajumissuseqarnissaalu siuarsimaffigerusullugillu isumannaarusukkatsigit taamaasiorpugut.
UN Global Compact
Innersuussutit ersarissut tunngavigalugit sulinerput ingerlapparput
Qulakkeerniarlugu, piujuartitsinerup oqaasiinnaannginnissaa – iliuuseqarfiginissaali – Forum for Bæredygtig Finans-imit innersuussutit 12-it malinnissai aalajangiussimavarput. Taakku niuernitsinni tamani piujuartitsinermik qanoq pitsaanerpaamik ilaatitsinissatsinnut, nakkutilliinermi nalunaarsuissutitut aamma malittarisassatut atorpagut. Innersuussutit ukkatarinninnitsinnut, anguniakkanik inissiinitsinnut aamma siuariartornitsinnik malinnaanitsinnut ikiuutaapput. Taakku aamma uatsinnut pisariillisaapput siulersuisutsinnut aamma suleqatigisartakkatsinnut ersarissumik aaqqissuussamillu nalunaarusiortarnitsinnut.
Anguniakkat ima sulissutigisarpagut
Marloqiusamik pingaaruteqassutsimik misissuineq naammassisimavarput, piujuartitsinermi sammisanik pingaarnerpaanik paasinninniarluta ikiuutaasoq – inuiaqatigiinnut aamma avatangiisinut sunniuteqarnitsinnut kiisalu aningaasaqarnikkut aarlerinaatinut periarfissanullu naapitassatsinnut atatillugu. Tamanna tunngavigalugu anguniakkanik aalajangiivugut, ilaatigut:
- CO₂-mik aniatitsinerput annikillisassallugu, pingaartumik mingutsitsinngitsumik taarsigassiinikkut aamma aningaasaliinikkut
- Sulisut qaffasissumik atugarissaarnissaannik, naligiissitaanissaannik aamma piginnaasat ineriartortinnissaannik qulakkeerinninnikkut
- Peqquserlulluni iluanaarniarnermik akiuiniarnermik sungiusartitsinikkut aamma suleqtaigisatsinnut Code of Conduct-imik ineriartortitsinikkut niuernermi ileqqorissaarnerup nukittorsarneratigut
ESG-governancemi aaqqissuussineq ESG Board-ilik aamma Action Group-ilik pilersinnikuuarput, taakku qulakkiissavaat, piujuartitsinerup suliffeqarfimmi tamarmi tunngaviunissaa.
Ilisimavarput, piujuartitsilluni ineriartortitsineq siunissaq ungasinnerusoq eqqarsaatigalugu aaqqiissutinik suleqatigiinnernillu piumasaqaatitaqartoq. Taamaattumik naleqartumik pilersitsinissaq pillugu anguniagaqarluta sulivugut – sullitatsinnuinnaanngitsoq, Kalaallilli Nunaannut tamarmut.